Թուրքիան TikTok-ին տուգանել է 93 հազար դոլարով

Թուրքիայի իշխանությունները տուգանել են TikTok-ին 1,75 միլիոն լիրայով (93,000 դոլար)՝ օգտատերերին իրենց տվյալների անօրինական մշակումից պաշտպանելու համար բավարար միջոցներ չձեռնարկելու համար: Ինչպես հայտնում է հրեական The Jerusalem Post-ը՝ այս մասին չորեքշաբթի հայտնել է Անձնական տվյալների պաշտպանության խորհուրդը (KVKK): 

Տուգանքը գալիս է չինական կարճ տեսանյութերի փոխանակման հավելվածի և օգտատերերի տվյալների հասանելիության վերաբերյալ միջազգային անհանգստության ֆոնին: Եվրոպայում և Կանադայում կառավարական հաստատություններն արգելել են հավելվածը անձնակազմի հեռախոսներից, իսկ Միացյալ Նահանգները քննարկում է մի օրինագիծ, որը նախագահ Ջո Բայդենին իրավունք է տալիս արգելել TikTok-ը:

KVKK-ն հայտնել է, որ որոշել է տուգանել ընկերությանը՝ «անհատական տվյալների ապօրինի մշակումը կանխելու համար անվտանգության համապատասխան մակարդակ ապահովելու համար անհրաժեշտ բոլոր միջոցները չձեռնարկելու համար»:

Տվյալների պաշտպանության մարմինը նաև իր կայքի հայտարարության մեջ ասեց, որ TikTok-ը պետք է թարգմանի իր Ծառայությունների պայմանները թուրքերեն և թարմացնի իր գաղտնիության և քուքիների քաղաքականության տեքստերը՝ համաձայն երկրի կանոնակարգերի:

TikTok-ն անմիջապես հասանելի չէր մեկնաբանության համար:

Ըստ Statista-ի տվյալների՝ Թուրքիան TikTok-ից օգտվողների թվով իններորդն է աշխարհում՝ մոտ 30 միլիոն հաշիվներով սոցիալական մեդիայի հարթակում: