Լավրովը փորձում է փրկել ինքն իրեն․ Կիվիրյան

Վերջին ամիսներին պարզ դարձավ, որ Ռուսաստանը բացահայտ ձախողել է ողջ քաղաքականությունը և՛ Հայաստանում, և՛ Ադրբեջանում, և տվյալ դեպքում Լավրովը փորձում է փրկել ինքն իրեն։ Այս մասին լրագրողների հետ հանդիպման ժամանակ հայտարարեց քաղաքական վերլուծաբան Արգիշտի Կիվիրյանը։

Նրա խոսքով՝ Հայաստանն ու Ադրբեջանը՝ օգտվելով Ուկրաինայի հակամարտությունից և Ռուսաստանի թուլությունից, փորձում են դուրս գալ ՌԴ տոտալ վերահսկողությունից։

«Գաղտնիք չէ, որ Ռուսաստանում ուժային բլոկը վաղուց դեմ է եղել Փաշինյանին, և միայն արտաքին գործերի նախարարությունն է պաշտպանել նրան: Բոլոր սլաքներն ուղղված են եղել Լավրովի դեմ, որն իր պաշտոնում մնալու նպատակով մեկնել է Բաքու, որպեսզի փորձի համոզել Ադրբեջանին զսպել ախորժակը։ Նույն Լաչինի միջանցքում Բաքվի գործողություններն ուղղված են առաջին հերթին Ռուսաստանի դեմ»,-նշեց Կիվիրյանը։

Արգիշտի Կիվիրյանի խոսքով՝ Սամվել Բաբայանն անկախ խաղացող է, նրան հետաքրքրում է իշխանությունը, ինչի համար փորձում է օգտագործել Փաշինյանին։  

Սակայն, ըստ նրա, Բաբայանը չի հաջողի, քանի որ Փաշինյանը գիտակցում է սպառնալիքն առ այն, որ Բաբայանն այդ ժամանակ անկանխատեսելի, գլխացավանք կդառնա։

«Բաբայանը, սակայն, հույսը չի կորցնում։ Հատկանշական է այն, որ նա պատրաստակամություն է հայտնել համագործոկցել Արցախում ծրագրեր իրականացնող Ռուբեն Վարդանյանի հետ, ով ստիպված է հարմարվել ինքն իր հեռանալուն։ Սակայն այս իրավիճակը երկար շարունակվել չի կարող, քանի որ նրան ամեն կերպ կխանգարեն։

Բայց նման դաշինքից երկուսն էլ կշահեն։ Դա կլինի անսահման քաղաքական հավակնությունների ու զգալի ֆինանսական ռեսուրսների լուրջ միություն», - ասաց Կիվիրյանը։