Նիկոլի իշխանությամբ մենք ունենալու ենք նոր պատերազմ և նոր կապիտուլյացիա. Իշխան Սաղաթելյան

Վերջին 2.5 տարվա ընթացքում ՀՀ-ում գործող ընդդիմադիր ուժերը առնվազն 3 մեծ փորձ արել են իշխանություններից ազատվելու եւ երկիրը նորմալ զարգացմ,ան փուլ բերելու համար: Այս մասին «Բեկում» երիտասարդական ֆորումի «Պայքարը. բացեր և նոր հնարավորություններ երեկ, այսօր, վաղը» թեմայով քննարկման ժամանակ ասաց «Հայաստան» խմբակցության պատգամավոր Իշխան Սաղաթելյանը:

«Նոյեմբերի 9-ից հետո բազմաթիվ քաղաքական ուժեր, անհատ գործիչներ տեսնելով ստեղծված իրավիճակը առնվազն ընդդիմադիր դաշտում կար լայն կոնսենսուս, որ իշխանություններից պետք է օր առաջ ազատվել:Եթե հիշում եք՝ նոյեմբերի 11-ից սկսած տեղի ունեցան բողոքի զանգվածային գործողություններ, ակցիաներ, ցույցեր, հիմա այս օրերին շատ է խոսվում, որ նոյեմբերի 9-ից հետո իշխանությունը փողոցում գցած էր, բայց հիշում եք ընդդիմադիր ղեկավարներ ձերբակալեցին, այնուհետև տարբեր քաղաքական գործիչների, բայց այնունամենայնիվ ժողովուրդը, մարդիկ, քաղաքական գործիչներ իջել են փողոց, գնահատելով, որ գլխավոր հարցը, որը պետք է լուծվի երկրին պատերազմ ու պարտություն բերած իշխանությունից պետք է ազատվել»,- ասաց նա:

Նրա խոսքով՝ «Հայրենիքի փրկության շարժում»-ը հասավ նրան, որ իշխանությունը չէր կարողանում ազատ տեղաշարժվել, իր գործունեությունը ծավալել և հայտարարվեց արտահերթ ընտրության մասին:

«Այն փաստարկը, որ մենք չմասնակցեինք ընտրություններին, ընտրություններտ լեգիտիմ չէին լինի, մեղմ ասած ճիշտ չէ, քանի որ ընտրություններին մասնակցելեն 25 քաղաքական ուժեր»,-ասաց նա՝ նշելով,որ որևէ մեկի հետ չեն պայմանավորվել գնալ ընտրությունների, սակայն ընտրությունները դիտարկել են հնարավորություն իշխանություններից ազատվելու համար:

Սաղաթելյանի խոսքով՝ «Դիմադրութուն» շարժումն ունեցել է բազմաթիվ ձեռքբերուներ, նաև թերություններ ու բացթողումներ, որից պետք է հետևություն անել և գնալ առաջ: