Խոշոր ավտովթար Սյունիքի մարզում․ շինանյութով բարձված բեռնատարը կողաշրջվել է․ կա վիրավոր (լուսանկարներ)

Երեկ՝ փետրվարի 24-ին, ավտովթար է տեղի ունեցել Սյունիքի մարզում։ Ժամը 21։20-ի սահմաններում Արարատի մարզի բնակիչ 32-ամյա Էդգարտ Բրոևը իր վարած «Շացման» մակնիշի բեռնատար ավտոմեքնայով Մեղրի-Երևան 115 կմ հատվածում, դեռևս անհայտ հանգամանքներում, կողաշրջվել է։ 

Ինչպես հայտնում է Shamshyan.com-ը, վթարի հետևանքով Է․ Բրոևը մարմնական վնասվածքներով տեղափոխվել է «Գորիս» բժշկական կենտրոն։Օպերատիվորեն ժամանել են ՀՀ ներքին գործերի նախարարության Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Արմեն Սարգսյանի և ճանապարհատարնսպորտային պատահարների գործերով ավագ տեսուչ Մանուչարյանի գլխավորությամբ։ Տեղում աշխատել է Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժնի խումբը՝ ավագ քննիչ Բալոյանի գլխավորությամբ, ում կողմից վթարի փաստով նախաձեռնվել է վարույթ։ 

Կայքի տեղեկություններով՝ վարորդն աշխատում է «Հարթ Տրանս» ՍՊԸ-ում։