ՀԾԿՀ –ի թանկ թարմացուցիչներն ու 2 հազար «ռուլոն» զուգարանի թուղթը

Կառավարություն ներկայացրած 2016թ․-ի գնումների պլանից պարզ է դառնում, որ Ռոբերտ Նազարյանի ղեկավարած Հանրային ծառայությունները կարգավորող հանձնաժողովը՝ 2 հազար «ռուլոն» զուգարանի թղթի և 100 հատ օդի թարմացուցիչների հայտ է ներկայացրել: Ընդ որում ՝ օդի 1 թարմացուցչի արժեքը 4 հազար 200 դրամ է։

ՀԾԿՀ-ն նաեւ սեդան թափքի մեկ մեքենայի հայտ է ներկայացրել` 10 միլիոն դրամ արժողությամբ: Newspress.am-ը ՀԾԿՀ աշխատակազմի ղեկավար Միքայել Սողոմոնյանից հետաքրքրվեց, թե մեքնան, արդյոք Ռոբերտ Նազարյանի համար են ուզում ձեռք բերել, վերջինս պատասխանեց, որ մեքենան հանձնաժողվի անդամ Արթուր Վարդանյանի համար է:

«Պետք չէ ինչ-որ մեկի անվան վրա կենտրոնանալ, պետական պաշտոնյաներին մեքենա տրամադրելու կարգը կառավարություն է սահմանում»,-մանրամասնեց նա:

Միքայել Սողոմանյանի խոսքով՝ ծառայողական մեքենաները օգտագործում են ութ տարի ու կես, որից հետո մեքենան մաշվում է: Մեր այն հարցին, թե պարտադիր է ձեռք բերել տաս մլն դրամ արժողությամբ մեքենա, Սողոմոնյանը պատասխանեց, որ հայտում նախնական գին է գրված, մրցույթ պետք է հայտարարվի, ուսումանսիրություններ կատարվեն. «կուսումնասիրենք, կհասկանանք, գուցե յոթ մլն դրամանոց մեքենա ձեռք բերվի, տաս միլիոնը հասատատ չի գերազանցելու: Ինչ վերաբերում է հարցին, ապա զուգարանի թղթի օդի թարմացուցչի մասով ծախսերին, ապա Սողոմոնյանի ներկայացմամբ ՀԾԿՀ-ի հարյուրից ավել աշխատակից կա, ոստիականներ, բացի այդ բաց կառույց է` շատերն են աշխատանքի բերումով դուրս ու ներս անում:

Հիշեցրեցինք, որ թարմացուցչի մեկ միջուկի արժեքը 4 հազար 200 դրամ է, ինչը նշանակում է, որ միային այս ծախսը չորս հարյուր հազարը գերազանցում է:

«Սա էլ կրկին ասեմ` նախնական գին է: Կլինի առավել մատչելի` դա ձեռք կբերենք, բացի այդ պետք է հաշվի առնել նաև որակի խնդիրը»,- վստահեցրեց ՀԾԿՀ աշխատակազմի ղեկավարը:

Վերջինս հրավիրեց ՀԾԿՀ անձամբ տեսնելու, թե ինչ որակի թարմացուցչի մասին է խոսքը: Հարկ է նշել, որ այն թարմացուցիչը, որի վերաբերյալ հայտ է ներկայացրել ՀԾԿՀ-ն շուկաներում կարելի է ձեռք բերել նաև հազար դրամով: Փաստորեն, այժմ ոչ միայն ՀԾԿՀ-ի աշխատոճն է քննարկաման առարկա, այլև ծախսերը: