«Լավ, ասենք, ո՞նց կարելի ա էսքան անտարբեր լինել»․ լուսանկարներ՝ Երևանի դպրոցներից մեկում

Էդուարդ Հայրումյան անունով ֆեյսբուքյան օգտատերն իր էջում լուսանկարներ է հրապարակել և կից գրել․

«Սրանք Երևանի համար N հիմնական դպրոցի զուգարաններն են, որից օգտվում են 6-ից 14 տարեկան երեխաները։

Լուսանկարներն արել եմ ես ինքս՝ երեկ։

Շատ բան չեմ ուզում գրել, միայն մեկ հարց տամ բոլոր դպրոցական երեխաներ ունեցող ծնողներին՝

— Արդյո՞ք երբևէ մտել և ստուգել եք Ձեր երեխան դպրոցում ինչ զուգարանից է օգտվում։
Ես չէի կարա նույնիսկ մեկ օր հանգիստ քնեի՝ իմանալով, որ իմ երեխան այ սենց զուգարանիցա օգտվում դպրոցում։

Ու չփորձե՛ք արդարանալ կամ մեղադրել ուրիշներին՝ ձեր երեխայի իրավունքներն ու կյանքի որակը դուք ինքներդ պետքա պահանջեք ու ապահովեք։

- ջրի բաքի մեջի մեխանիզմը մաքսիմում 5000 դրամա։

- լամպչկան ի՞նչա, որ զուգարանում չկա՝ 100 դրամից սկսած կա։
- զուգարանի թղթի կախիչը 800 դրամից սկսած կա։

- Հայելին մի 3000 դրամա, կամ ասենք բոլորի գառաժը միհատ հին հայելի կա՝ գոնե էդի տարեք կախեք, էդ երեխեքը լվացվելուց հետո միհատ հայելու մեջ նայեն։

Լավ ասենք, ո՞նց կարելիա էսքան անտարբեր լինել ամեն ինչի նկատմամբ։

Հենց էսօր կամ վաղը մտեք Ձեր երեխեքի դպրոցի զուգարանները ստուգեք ու պահանջեք տնօրենից, որ թերությունները շտապ կարգի բերի, կամ եթե տնօրենին ռիսկ չեք անում ասեք՝ ինձ ասեք, ես նենց կանեմ կարգի կբերեն»,-գրել է օգտատերը և զգուշացրել Երևանի բոլոր դպրոցների տնօրեններին․ «Մինչև մարտի 20-ը ժամանակ՝ կարգի բերեք ձեր դպրոցների զուգարանները, ես մարտի 20-ից հետո անձամբ շրջելու եմ պատահական դպրոցներով, նկարահանեմ և այս անգամ հրապարակելիւց նշեմ՝ թե՛ դպրիցի համարը և թե՛ տնօրենի անուն ազգանունը»։