Բոլոր պատգամավորներն ու նրանց օգնականները, ամեն ամիս ստանում են նաև պարգևավճար՝ աշխատավարձի 15%-ի չափով՝ նախորդ տարվա 30%-ի փոխարեն․ ԱԺ-ից պարզաբանում են

Ազգային ժողովից արձագանքել են մամուլում տեղ գտած հրապարակմանը, որտեղ նշվում է, որ ԱԺ պատգամավորների օգնականները պարգեւավճար են ստացել։

Պարզաբանման մեջ մասնավորապես նշված է․

««Ժողովուրդ» օրաթերթի հրապարակումն իրականությանը չի համապատասխանում։ 

«Ժողովուրդ» օրաթերթի՝ «ԱԺ պատգամավորների օգնականները պարգեւավճար են ստացել․ ՔՊ ղեկավարությունը հաղթեց» վերտառությամբ փետրվարի 22-ի նյութի՝ ԱԺ «Քաղաքացիական պայմանագիր» խմբակցության պատգամավորների օգնականները 15 տոկոսի չափով պարգեւավճար են ստացել աշխատակազմի նոր ղեկավար-գլխավոր քարտուղար Դավիթ Առաքելյանի կողմից, լուրը չի համապատասխանում իրականությանը:

«Քաղաքացիական պայմանագիր» խմբակցության պատգամավորների օգնականները հունվար ամսին պարգևվճար չեն ստացել:

Տեղեկացնում ենք նաեւ, որ ԱԺ աշխատակազմը, այդ թվում՝ բոլոր պատգամավորների օգնականները, յուրաքանչյուր ամիս աշխատավարձից բացի ստանում են նաեւ պարգեւավճար՝ աշխատավարձի 15 տոկոսի չափով, որը նախորդ տարվա 30 տոկոսից կրկնակի կրճատվել է:

Խնդրում ենք լրատվամիջոցներին սեփական աղբյուրներից ստացած տեղեկատվությունը հրապարակելուց առաջ պաշտոնապես ճշտել այն»: