Ի՞նչ էր անում ԵԿՄ-ին պատկանող մեքենան` Ծաղկաձորի փաբերից մեկի դիմաց. գինարբուքի հատուկ հանձնարարակա՞ն կար, թե՞ խրախճանքի անվտանգությունն էիք հսկում

Թերևս բոլորն են հիշում Սասուն Միքայելյանի 2018 թվականի հայտարարությունը, թե` 

                          «Այս հաղթանակը Արցախյան պատերազմից կարևոր էր»...

Նրա այս հայտարարությունը շատերին զրամացրեց, քանի որ պատերազմի միջով անցած ու իրեն ազատամարտիկ համարող մարդը, ով նույն այդ պատերազմում բազում ընկերներ է կորցրել` հողի, հայրենիքի կռիվ տալով, նման անհեթեթ բան հայտարարելու իրավունք չուներ։

Իրականում այն, ինչ ասաց Սասուն Միքայելյանն այդ ժամանակ` քաղաքական ծրագիր էր, որը պետք է իրականացներ ու դեռ շարունակում է իրականացնել Նիկոլ Փաշինյանը։ Այսինքն` իշխանություն` Արցախի փոխարեն...

Ու Սասունն էլ, ականջները կախ, մտավ այդ դավադրության մեջ։ Նա, որ դեռ 90–ականներին հայրենիքի փրկության համար կանգնած էր առաջնագծում որպես ազատամարտիկից, հատկապես 2018–ից հետո շատ արագ վերածվեց շարքային չինովնիկի...

«Հեղափոխությունն» Արցախյան ճակատամարտից վեր դասող Սասունն անտարբեր մնաց 2020-ի սեպտեմբերի վերջին սկիզբ առած պատերազմին...

Արդարության համար պետք է հիշել, որ նա իր ջոկատով պատերազմն սկսելուց մի քանի օր անց մեկնեց ճակատ։ Ջոկատը կռվեց, իսկ Սասունը մի կողմ քաշվեց դաշտից։

Նա իր համար շատ հարմար պահի, «վիրավորվեց» ու «ճիշտ ժամանակին» էլ դուրս եկավ հիվանդանոցից (երբ արդեն կապիտուլիացիայի փաստաթուղթը ստորագրված էր)։

Այսօր էլ ոչինչ չի փոխվել. Սասունը տեղյակ է դավադրության մասին ու դրա մասն է կազմում։ Նա վերջին շրջանում արդեն երկու անգամ ստոաբար կրկնեց, թե`

                                             «30 տարի մենք բանակ չենք ունեցել»...

Իհարկե, նա այս նախադասությունը ասաց այլ «վերադասավորումներով», սակայն դրանից այն իր իմաստը չփոխեց։ 

Ամոթ ու տգեղ երևույթ է, երբ հայրենիքի համար «կռված» տղերքը՝ հասկանալով հայրենիքի անվտանգության գինը, հայրենիքի փրկության ճանապարհին կորցնելով բազում ընկերներ՝ վաճառում են հոգին ու մտնում քաղաքական առևտրի մեջ․․․ Սասունը նաև կասկածի տակ է դնում իր ազատամարտիկ լինելը` արդյոք իսկապե՞ս կռվելէ  հանուն հայրենիքի, թե՞ միայն իմիտացիա է ստեղծել...

Սասունի համար արժեքները փոխվել են․ նա, կրկնելով կապտուլյացիայի փաստաթուղթ ստորագրած Փաշինյանի թեզը,  ընտրություն է դնում Հայաստանի ու Արցախի միջև։ Դիմելով գեներալներին, նա եթերի ժամանակ հայտարարել է.

                      «Իրանց Հայաստանն ա՞ պետք, թե՞ Արցախը, չեմ հասկանում»...

Ի դեպ, նույն հարցազրույցում, Սասուն Միքայելյանը գեներալներից մեկին մեղադրել է «Ծաղկաձորները քարշ գալու» մեջ...

Այստեղ մի հատ հարց Միքայելյանին. ի՞նչ էր անում ԵԿՄ-ին պատկանող մեքենան` Ծաղկաձորի փաբերից մեկի դիմաց. ի՞նչ գործ ունեին այնտեղ «քո մարդիկ։ Գինարբուքի հատուկ հանձնարարակա՞ն ունեին, թե՞ խրախճանքի մեջ գտնվողների անվտանգությունն էին հսկում։

Եվ, ընդհանրապես, ի՞նչ իրավունքով է ԵԿՄ օգտագործման մեքենան տնօրինվում սեփական կարիքների համար։ Այն էլ` այս ու այն հասարակական վայրերում «ճռռիկներ» անելով...

Փաստն այն է, որ Սասուն Միքայելյանը, ով ղեկավարում է Երկրապահ կամավորների միությունը և պատասխանատու է երկրի անվտանգության համար, այսօր կիսում է կապտուլյանտի իշխանությունը և, երկրին զուգահեռ, քանդում են նաև ԵԿՄ-ն ու արեզրկում եկիրը պահած իր ընկերնեի թափած արյունը...

Արմինե Մկրտումյան