«Իսլամական պետության» անդամներն ահաբեկչություն էին նախապատրաստել ՌԴ Կալուգայի շրջանում․ նրանք ոչնչացվել են ԱԴԾ-ի կողմից (տեսանյութ)

Հարձակումը ծրագրվում էր իրականացնել քիմիական գործարանում Ռուսաստանում արգելված «Իսլամական պետություն» կազմակերպության երկու կողմնակիցների կողմից, որոնց կալանավորման ընթացքում ոչնչացրել են

ՏԱՍՍ գործակալությունը գրում է, որ ՌԴ ԱԴԾ-ն կանխել է ահաբեկչություն Կալուգայի շրջանի քիմիական գործարանում։  Կենտրոնական Ասիայի երկու բնակիչներին, որոնք ՌԴ-ում արգելված «Իսլամական պետություն» կազմակերպության կողմնակիցներ էին, ձերբակալել փորձելու ժամանակ, ոչնչացրել են․  հայտնել են Ռուսաստանի ԱԴԾ հասարակայնության հետ կապերի կենտրոնից։ 

«Կալուգայի շրջանում կանխվել է Կենտրոնական Ասիայի տարածաշրջանի երկու երկրի բնակիչների կողմից կազմակերպված ահաբեկչություն, որը ծրագրված էր իրկանացնել վառվող խառնուրդների օգնությամբ՝ վառելիքով և քսանյութով ցիստեռնները պայթեցնելու և քիմիական արդյունաբերության ձեռնարկությունում ինքնաշեն պայթուցիկ սարքի կիրառմամբ»,- նշել են ՔՀԿ-ից։

Չարամիտները հավատարմության երդում են տվել Ռուսաստանի Դաշնությունում արգելված ԻՊ միջազգային ահաբեկչական կազմակերպությունը, և հանցագործությունը կատարելուց հետո նրանք ծրագրել են մեկնել Սիրիայի Արաբական Հանրապետության տարածք՝ զինված հակամարտության գոտի»,- հայտնել են ԱԴԾ-ից։

Ձերբակալման ժամանակ նրանք զինված դիմադրություն են ցույց տվել և հակառակ կրակից ստացել կյանքի հետ անհամատեղելի վնասվածքներ։ Իրավապահ մարմինների աշխատակիցների շրջանում կորուստներ և քաղաքացիական բնակչության շրջանում տուժածներ չկան։ 

Նրանց գաղտնի բնակության հասցեում հայտնաբերվել է պայթուցիկ նյութերի արտադրության լաբորատորիա, ինչպես նաև մեծ հղորության ինքնաշեն պայթուցիկ միջոցներ՝ պատրաստ օգտագործման, նաև հրկիզվող խառնուրդներով տարաներ, զինամթերք և զենք։ Քրեական գործ է հարուցվել Ահաբեկչական ակտ նախապատրաստելու հոդվածով։