Ղարաբաղյան շարժման 35-ամյակի տոնակատարության կազմակերպման պետական հանձնաժողովը կգլխավորի Արթուր Թովմասյանը

Փետրվարի 15-ին ԱՀ ԱԺ նախագահ Արթուր Թովմասյանի նախագահությամբ հրավիրվել է արցախահայության ազգային- ազատագրական պայքարի՝ ղարաբաղյան շարժման 35-րդ տարեդարձի տոնակատարության կազմակերպման և համակարգման պետական հանձնաժողովի առաջին նիստը:

Այս մասին տեղեկանում ենք Արցախի Հանրապետության ԱԺ լրատվության և հանրության հետ կապերի բաժնից:

Խորհրդարանի ղեկավարը ներկայացրել է ԱՀ Նախագահի 2023 թվականի փետրվարի 13-ի ՆՀ -81-Ա հրամանագիրը պետական հանձնաժողովի անհատական կազմի մասին: Համաձայն հրամանագրի՝ ձևավորվել է հանձնաժողովի հետևյալ կազմը.

Արթուր Թովմասյան - Արցախի Հանրապետության Ազգային ժողովի նախագահ, հանձնաժողովի նախագահ

Արթուր Հարությունյան - Արցախի Հանրապետության Ազգային ժողովի պատգամավոր, «Ազատ հայրենիք–ՔՄԴ» խմբակցության ղեկավար

Մարսել Պետրոսյան - Արցախի Հանրապետության Ազգային ժողովի արտաքին հարաբերությունների մշտական հանձնաժողովի նախագահի տեղակալ, «Միասնական հայրենիք», խմբակցության ղեկավար

Արթուր Մոսիյան - Արցախի Հանրապետության Ազգային ժողովի պատգամավոր, «Հայ հեղափոխական դաշնակցություն» խմբակցության ղեկավար

Դավիթ Գալստյան - Արցախի Հանրապետության Ազգային ժողովի պատգամավոր, «Արդարություն» խմբակցության ղեկավար

Դավիթ Մելքումյան - Արցախի Հանրապետության Ազգային ժողովի պատգամավոր, «Արցախի ժողովրդավարական կուսակցություն» խմբակցության ղեկավար

Կարեն Կոստանդյան - Արցախի Հանրապետության արտաքին գործերի նախարարի տեղակալ

Դավիթ Սարգսյան - Ստեփանակերտի քաղաքապետ

Արտեմ Հարությունյան - Արցախի Հանրապետության ներքին գործերի նախարարության ոստիկանության պետ

Ժիրայր Միրզոյան - Արցախի Հանրապետության Նախագահի աշխատակազմի ղեկավարի առաջին տեղակալ

Ռոբերտ Ղահրամանյան - Արցախի Հանրապետության Ազգային ժողովի աշխատակազմի ղեկավար

Խորհրդակցությանը քննարկվել է արցախահայության ազգային–ազատագրական պայքարի՝ ղարաբաղյան շարժման 35-րդ տարեդարձի տոնակատարության միջոցառումների ծրագրի կազմման հարցը:

ԱԺ նախագահը հայտարարել է, որ վաղը ՝ փետրվարի 16-ին՝ ժամը 10:00-ին, տեղի կունենա հանձնաժողովի հերթական նիստը: