Արդյո՞ք 2023 թվականը կլինի այն տարին, երբ Իսրայելը կվերականգնի զսպող ուժը լրատվամիջոցների մարտի դաշտում

«Լրագրողները պետք է հայտնեն լուրերը, ոչ թե լինեն լուրերը»:  Թեև այս հնագույն ասացվածքը, որն ուսուցանվում է լրագրության դպրոցում՝ առաջին օրը, կարող է որոշակիորեն ջերմացված կլիշե (շաբլոն դարձվածք) լինել, ամեն դեպքում, մամուլի որոշ անդամներ, կարծես, ընդհանրապես պատուհանից դուրս են նետել օբյեկտիվության սկզբունքը: Հիմնական լրատվամիջոցները չպետք է իրենց մեջ պահեն հակասեմականներին, որոնք դիմակավորված են որպես լրագրող: Այս մասին հոդված է հրապարակել The Jerusalem Post-ը: 

Ընդամենը մի քանի ամսվա ընթացքում «HonestReporting»-ի հետազոտական թիմը բացահայտել է անհամար սոցիալական մեդիա գրառումներ՝ լրագրողների և լուրեր արտադրողների կողմից, ովքեր պաշտպանում էին սարսափելի հակասեմականությունը:

«Մենք գտանք լրագրողների, որոնք գովաբանում էին նացիստների առաջնորդ Ադոլֆ Հիտլերին, նշում Հոլոքոստը և փառաբանում ահաբեկչական հարձակումները, որոնք ուղղված էին Իսրայելի անմեղ հրեաներին, քրիստոնյաներին և մահմեդականներին»,-նշվում է հոդվածում: 

Պետք է կատարվեին նախնական ստուգումներ, որպեսզի այս լրագրողներին թույլ չտային հեղինակավոր լրատվական կազմակերպությունների համար գրել Իսրայելի մասին: Այդուհանդերձ, առաջատար լրատվամիջոցները, ինչպիսիք են «The New York Times»-ը, «BBC»-ն, «The Guardian»-ը, «VICE News»-ը և այլ լրատվամիջոցներ, գիտակցաբար կամ անգիտակցաբար վարձել են հակասեմիտների՝ հակաիսրայելական քարոզչություն արտադրելու համար, որը դիմակավորված է որպես օբյեկտիվ լուր: