Հույս ունենանք, որ Թուրքիայի կառավարությունն ավելի կհակվի սահմանը բացելու գործընթացին. ՔՊ-ական (տեսանյութ)

ԱԺ արտաքին հարաբերությունների հանձնաժողովի նախագահ, ՔՊ-ական Սարգիս Խանդանյանը կարծում է, որ Հայաստանը պետք է միշտ արձագանքի աղետներին։

«Ես կարծում եմ, որ Հայաստանը, որպես միջազգային հանրության նորմալ մասնակից, պետք է միշտ արձագանքի նման աղետներին, հատկապես, այսպիսի մասշտաբներով աղետներին ու առաջարկի օգնություն», - ԱԺ-ում ճեպազրույցների ժամին ասաց նա՝ անդրադառնալով Թուրքիա հումանիտար օգնություն ուղարկելուն։

Ինչ վերաբերում է Հայաստան-Թուրքիա բանակցություններին՝ նա ասաց, թե հումանիտար օգնությունը դրական ազդակ կարող է լինել հարաբերությունների կարգավորման գործընթացում։

«Այո, մենք տեսնում ենք, որ ցանկցության դեպքում հնարավոր է սահմանը բացել, հույս ունենանք, որ Թուրքիայի կառավարությունն ավելի կհակվի այս գործընթացին ու ավելի արագ արդյունքներ կտեսնենք»,- նշեց Խանդանյանը։