Բոլոր վարորդներն այսօր Տարոն Մարգարյանին հայհոյանքով հիշեցին. (տեսանյութ)

Այսօր` վաղ առավոտից Երևանի քաղաքապետ Տարոն Մարգարյանին հայհոյանքերով հիշեցին բոլոր վարորդները: Սառած փողոցերի անանցանելիությունը զայրույթ էր առաջացրել բոլորի մոտ:

Ստացվում է, որ ձյունը տեղացել է հանգստյան օրերին ու քաղաքապետը իրեն նեղություն չի տվել փողոցի մաքրման աշխատանքերի հետ կապված հանձնարարականներ տալ: Արդյունքն էլ տեսանելի է…

Դեռ նախորդ ձյան տեղումների ժամանակ Երևանի քաղաքապետը իր նկարահանող խմբի հետ ցուցադրական շրջայց էր կատարում փողոցներում ու իբր առաջադրանքներ տալիս, երբեմն էլ փորձում նկատողություններ անել, թե լավ չեն մաքրում: Ու որ ամենակարևորն է, այս թատերական բեմականացումը, քաղաքապետարանի ջանքերով, ողողեց բոլոր կայքերը:

Արդյունքում նունյիսկ Տարոն Մարգարյանի մտերիմ Աշոտյանն իր ոտքը կոտրեց, բայց նա չկոտրվեց ու Մարգարյանին չմեղադրեց:

Քաղապետն այսօր էլ նպաստավոր պայմաններ է ստեղծել Աշոտյանի «օրն ընկնելու» համար:
Ձյան մաքրման աշխատանքը կոնկրետ աշխատանք է, որ պետք է քաղաքապետարանը Տարոն Մարգարյանի գլխավորությամբ կատարի: Սա Երևանի տոնակատարություն չէ, որ գումարներ մսխվեն ու փուչիկներուով ողողվեն փողոցները:

Սա «մանկամիտ» ժպիտով ներկայանալ չէ, սա գիշերով` գաղտագողի Երևանի հին տեսքը ապականել չէ: Սա կոնկրետ գործ է, բայց երևի ոչ այնքան աղմկահարույց, որ նախագահը կանչի ու ասի.«Տարոն, սիրուն չի…» ու Տարոնն էլ գործի անցնի:
Սա պարզ ձյունամաքրման աշխատանք է, որ պետք է արվեր տեղումներին զուգահեռ, որ մայրաքաղաքի փողոցները այսօր կաթվածահար վիճակում չլինեին:

Թե չէ գործը չի արվում, ձյունը հալվում է` բոլորիս նյարդերի հաշվին, իսկ քաղաքապետարանը հաշվետվություն է ներկայացնում, թե մաքրման աշխատանքեր են կատարվել:

Թե ի՞նչ գումարներ են դուրս գրվում այդ աշխատանքերի համար ու իրականում ինչ է արվում այդ փողերի հետ, վաղուց ադեն ծանոթ երևույթ է:

Ախր ոչ միայն սիրուն չի, այլև ճիշտ չի, Տարոն…