«AFAD» կամավորական համակարգին դիմել է 110 հազար մարդ. որքան մարդ է ընհանուր առմամբ աշխատում Թուրքիայի աղետի գոտում՝ որպես կամավոր

Թուրքիայի Աղետների և արտակարգ իրավիճակների կառավարման նախագահության (AFAD) կամավորության վարչության դաշտային համակարգող Իդրիս Վարլըն հայտարարել է, որ Քահրամանմարաշի երկրաշարժերից հետո «AFAD» կամավորական համակարգ է դիմել 110 հազար 41 մարդ՝ տարածաշրջանում աշխատելու համար, իսկ կամավորների ընդհանուր թիվը հասել է 719 հազարի: Այս մասին տեղեկացնում է թուրքական Akşam-ը։

Իր հայտարարության մեջ Վարլըն ասել է, որ «AFAD»-ի կամավորության համակարգը ստեղծվել է 2019 թվականին՝ որպես «AFAD» կամավորության բաժին և ներկայումս շարունակում է որպես իրազեկման և կամավորության բաժին։

Բացատրելով, որ 15 տարեկանից բարձր Թուրքիայի Հանրապետության յուրաքանչյուր քաղաքացի կարող է դիմել «AFAD»-ի կամավորության համակարգին էլեկտրոնային կառավարման միջոցով, այնուհետ համակարգը կարճ ժամանակում հաստատում է դիմումը և հաստատման ծածկագիր ուղարկում տվյալ անձին:

«Մենք վկայականներ ենք տալիս համակարգում մեր 6 առցանց դասընթացներն ավարտածներին և նրանց անվանում ենք «հիմնական «AFAD» կամավորներ»: Հետագայում մեր ընկերները, ովքեր ավարտել են առցանց ուսուցումը՝ հիմնական «AFAD» կամավորական համակարգում, մարզային տնօրինությունների կողմից հրավիրվում են դաշտային դասընթացների՝ իրենց մարզերում և ստանում են այդ դասընթացները: Նրանք ստանում են վերապատրաստում, ինչպիսիք են՝ որոնողափրկարարական, առաջին բուժօգնությունը և այլն: Հետո նրանք դառնում են «աջակցող «AFAD»-ի կամավորներ» և մեզանից անձը հաստատող փաստաթուղթ է ստանում։ Նման աղետների ժամանակ նույնականացման քարտ ստացած ընկերներին հրավիրում ենք դաշտ, որպեսզի նրանք կարողանան օգնել մեզ։ Նրանք դաշտում ներկա են միայն որպես մեր որոնողափրկարարական անձնակազմի աջակցության խմբեր: Օրինակ՝ վրան տեղադրել, օգնել ցանկացած սննդի ու խմիչքի հարցում։ Վերջին շրջանում մենք դրանք դիտարկում ենք միայն անհայտ կորածների որոնումների համար, քանի որ նրանք լավ գիտեն իրենց տարածքը»,-ասել է նա: 

Վարլըն հայտարարել է, որ իրենք դաշտ են հրավիրում միայն «AFAD»-ի աջակցության կամավորներին» սովորական աղետների դեպքում, ինչպես նաև «AFAD»-ի հիմնական կամավորներին» են հրավիրում 4-րդ աստիճանի խոշոր աղետների դեպքում։

Նորմալ պայմաններում մեր օնլայն թրեյնինգն ավարտվում է մեկ օրում, այսինքն՝ անձը կարող է մեկ օրում այդ թրեյնինգներն ավարտել համակարգի միջոցով։ Մեր դաշտային դասընթացները սովորաբար տևում են մեկ շաբաթ կամ 10 օր՝ կախված որոշ մարզերի և անհատների իրավիճակից: Դրանք կարող են լինել մի փոքր ավելի կարճ կամ ավելի երկար: Այնուամենայնիվ, ինչպես 4-րդ աստիճանի աղետների դեպքում, որոնք մենք այժմ ապրում ենք, մենք ընդունում ենք մարդկանց, ովքեր դիմում են «AFAD» կամավորության համակարգ՝ որպես «հիմնական «AFAD» կամավորներ»՝ առանց առցանց ուսուցման: Նրանք ուղարկվում են աղետի շրջաններ՝ աջակցության համար»:

Նշելով, որ իրենք դաշտ են տարել բոլորին, ովքեր «AFAD»-ի հիմնական կամավոր են, ովքեր ցանկանում են աջակցել որոնողափրկարարական աշխատանքներին, Վարլին ասել է. «Մեր ընդհանուր թիվը հասել է 719 հազարի, ոլորտում աշխատող կամավորների թիվը գերազանցում է 8 հազարը»։