Ադրբեջանական կողմում սկսել են հանրայնորեն քննադատել իշխանություններին՝ Արցախի բլոկադան համարելով ձախողված. ադրբեջանագետ

Արցախը արդեն 52 օր շրջափակված է, իսկ ադրբեջանական կողմում արդեն սկսել են հանրայնորեն քննադատել իշխանություններին՝ Արցախի բլոկադան համարելով ձախողված, անհեռատես ու սպոնտան քաղաքական գործողություն: Այս մասին տելեգամյան իր ալիքում գրել է ադրբեջանագետ Գառնիկ Դավթյանը:

«Ադրբեջանական կողմը հիմնականում մի քանի հարց է առաջ բերում.

-Արցախում հայերին սովի մատնելով (գազ, հոսանքը անջատելով, բեռնափոխադրումները արգելելով) ավտոմատ կերպով հայերին հնարավորություն ենք տվել կրկին ակտիվացնել ինքնորոշման իրավունքի հարցը, ինչը պատերազմից հետո ջախջախել էին:

-Ադրբեջանական իշխանությունների խորհրդականների շնորհիվ (սա հեգնանքով է նշվում) այսօր հայերը ստացել են քարտ բլանշ ապացուցելու, որ արցախահայեր չեն կարող համատեղ ապրել:

-Էկոակտիվիստների ճանապարհին գտնվելը այլևս անիմաստ գործողություն է ու նպատակի չծառայող՝ հետևաբար պետք է մտածել, թե ինչպես էկոակտիվիստներին Լաչինի միջանցքին այնպես հանենք, որ քաղաքական հետևաքները մեղմ լինեն:

-Ճանապարհը փակելուց հետո հակաադրբեջանական բանաձևերի, որոշումների, քննարկումների, դատարանի հայցերի քննարկման ալիք է բարձրացել, որը մեղմելու համար բավականին երկար ժամանակ է հարկավոր լինելու:

-Նշում են, որ պետք էր նոյեմբերի 9-ին անցակետ տեղադրեին, երբ կար այդ լայն հնարավորությունը, այլ ոչ թե այն թողնել ապագայի հարց:

Հ.Գ. Իհարկե, այն որ այսօր Ադրբեջանում հասունացել է նման խոսույթ առաջին հերթին արցախահայերի տոկոնության, չհանձնվելու ու քաղաքական ճիշտ մարտավարության արդյունքն է՝ չհաշված բոլոր թերությունները, առանց որի հնարավոր չէր մեր պարագայում:

Հ.Գ.Գ. Իսկ պատկերացնում ե՞ք՝ Հայաստանում հայամետ կառավարություն լիներ որքան շուտ էր ճանապարհը բացվել…»: