Ֆինլանդիան արձագանքել է իրենց՝ ՆԱՏՕ-ին անդամակցելու Թուրքիայի հայտարություններին

Այս հարցում մենք համաձայն ենք արտգործնախարար Պեկկա Հաավիստոյի հետ։ Նախնական խորհրդակցություններ են տեղի ունեցել իմ կաբինետի, Էրդողանի խորհրդականի, Հաավիստոյի և Թուրքիայի արտգործնախարարի հետ: Ինչպես փոխանցում է թուրքական Güneş-ը՝ այս մասին հայտարարել է Ֆինլանդիայի նախագահ Սաուլի Նիինիստոն, անդրադառնալով Ֆինլանդիայի և Շվեդիայի՝ ՆԱՏՕ-ին անդամակցելու վերաբերյալ նախագահ Էրդողանի հայտարարություններին: 

Նախագահ Ռեջեփ Թայիփ Էրդողանը հայտարարել է, որ ի տարբերություն Շվեդիայի՝ ՆԱՏՕ-ին անդամակցության, Ֆինլանդիայի անդամակցությունը ՆԱՏՕ-ին կարող է հաստատվել։ Ֆինլանդիայի նախագահ Սաուլի Նիինիստոն «Helsingin Sanomat» թերթի հետ զրույցում ասել է, որ Էրդողանի հայտարարությունից հետո իրենց հետ կապ են հաստատել «անմիջապես»։ Նշելով, որ Էրդողանի հայտարարությունը չի փոխել Ֆինլանդիայի ՆԱՏՕ-ին անդամակցելու քաղաքականությունը, Նիինիստյոն ասել է, որ կապ է հաստատվել և՛ արտգործնախարար Պեկկա Հաավիստոյի, և՛ Նախագահության հետ։

«Այս հարցում մենք համաձայն ենք արտգործնախարար Պեկկա Հաավիստոյի հետ: Նախնական խորհրդակցություններ են անցկացվել իմ կաբինետի, Էրդողանի խորհրդական Հաավիստոյի և Թուրքիայի արտգործնախարարի հետ: Այս փուլում ասելու ոչինչ չկա, հետագայում բացատրություն կլինի»,- ասել է Ֆինլանդիայի նախագահ Նիինիստյոն՝ հավելելով, որ Թուրքիայի քաղաքականությունն այս գործընթացում «փոխվել և զարգացել է»։

Նրա խոսքով՝ այդ հայտարարությունները պայմանականություններով մեկնաբանելը ճիշտ չէ:

«Այս հայտարարություններով Թուրքիայի ընդհանուր պատկերը չի փոխվել, և մենք դեռ այնտեղ ենք, որտեղ գտնվում ենք: Այս մեկնաբանությունները արտացոլում են Թուրքիայի փոփոխվող դիսկուրսի էվոլյուցիան, և դրանում է դրանց արժեքը: Ուստի մենք հավատարիմ կմնանք ծրագրին: Ես տարբեր ծրագրերում ասել եմ, որ մենք գործում ենք Շվեդիայի հետ միասին: ՆԱՏՕ-ին Ֆինլանդիայի անդամակցության օգուտի մի մասը բխում է նրանից, որ Շվեդիան ևս ՆԱՏՕ-ի անդամ լինի: Սա որոշիչ կետ չէ, այլ այն, որը պետք է դիտարկել»,- ասել է նա:

Մյուս կողմից Նինիստյոն հեռախոսազրույց է ունեցել Հյուսիսատլանտյան դաշինքի քարտուղար Յենս Սթոլթենբերգի հետ։ Սոցցանցերի իր օգտահաշվում Նիինիստյոն նշել է, որ քննարկվում է ՆԱՏՕ-ին անդամակցելու հայտը.

«Մոտ շփումը շարունակվում է»,- նշել է նա: