Վախվորած եմ, որ 5 տարի հետո իմ որդին նույն ճակատագրին է արժանանալու․ չկա ապագա այս իշխանության հետ. բողոքի ակցիա (տեսանյութ)

2018 թվականին երբեմնի պատգամավոր Նիկոլ Փաշինյանը համացանցում հայտարարում էր, թե երկու զինվորի մահը լրահոսի հերթական վերնագիր չէ։ Այսօր ես ուզում եմ իշխանությունը իր ձեռքում պահող Նիկոլ Փաշինյանին հիշեցնել, որ այս 15 տղաները հայաստանյան լրահոսի հերթական զոհերը չեն։ Այս իշխանությունը օգտվելով հասարակության թմբիրի միջ գտնվելուց՝ կարողացել է ամբողջ իշխանությունը ուզուրպացնել։ Այս իշխանությունները փորձում են հասարակությանը համոզել, թե իրենց այլընտրանք չկա, իրենք կարող են որևէ բան փոխել, սակայն փաստերն իհարկե լրիվ հակառակի մասին են խոսում։

Այս մասին կառավարության գլխավոր մասնաշենքի մոտ մեկնարկած բողոքի ակցիայի ժամանակ հայտարարեց նախկին պատգամավոր Աննա Կոստոնյանը։ Նշենք, որ ակցիան նախաձեռնել են «Համախմբում» շարժման ներկայացուցիչները ՀՀ պաշտպանության նախարար Սուրեն Պապիկյանի հրաժարականի պահանջով։

«Բոլոր փաստերը ցույց են տալիս, որ 2018 թվականից հետո այս երկրում ոչ միայն բան չի փոխվել, այլը հակառակը՝ ավելի վատն է գնացել դեպի։ Մենք երբեք որևէ նոր բան չենք ունեցել 2018-ից հետո, ավելին՝ կորցրել ենք, կորցրել ենք տարածքներ, հազարավոր կյանքեր։ 15 զոհերից հետո ուզում եմ հասարակությանը հարց տալ, թե արդյոք մենք հարմարվելու ենք հերթական զոհերի հետ։ Այս երեխաները իմ երեխաներն են, ձեր երեխաներն են, մեր հարևանների, ծանոթների երեխաններն են։ Ես այսօր վախվորած եմ, որ 5 տարի հետո իմ որդին ևս նույն ճակատագրին է արժանանալու։ Ես չեմ ուզում, որ այդպես լինի։ Այս իշխանության հետ չունենք մենք ապագա։ Այս իշխանությունը աղետից բացի մեր գլխին ուրիշ ոչինչ չի բերել»,- հավելեց նա։