Հայաստանը պատրաստ չէ դրան. Ալիև

«Ցավոք, Հայաստանը չի արձագանքել խաղաղության համաձայնագրի ստորագրման մեր առաջարկին, որը եղել է շատ պարզ և հիմնված միջազգային իրավունքի հիմնարար սկզբունքների վրա»,–այս մասին ասել է Ադրբեջանի նախագահ Իլհամ Ալիևը։

Ալիևը նշել է, որ Հայաստանը մերժել է Վրաստանի հետ համագործակցության եռակողմ ձևաչափ սկսելու իրենց առաջարկը։

«Ես բարձր եմ գնահատում իմ ընկեր Իրակլի Ղարիբաշվիլիի ջանքերը, ով կազմակերպել է Ադրբեջանի և Հայաստանի արտգործնախարարների հանդիպումը, որին միացել է վրացի գործընկերը։ Մեր առաջարկն էր Վրաստանում կազմակերպել առաջնորդների հանդիպում, քանի որ Վրաստանը պատմականորեն միշտ եղել է այն վայրը, որտեղ հանդիպել են բոլոր հարեւանները։ Բայց Հայաստանը պատրաստ չէ դրան։ Սա հնարավոր ռիսկերից մեկն է։ Եթե ​​կովկասյան երեք երկրները միավորեն իրենց ջանքերը էներգետիկայի, տրանսպորտի, անվտանգության, կայունության, սահմանների սահմանազատման ոլորտներում, ապա տարածաշրջանը շատ ավելի անվտանգ կդառնա»,- ասել է ադրբեջանական  ղեկավարը։