Իրանը նախազգուշացնում է ԵՄ-ին, որ Հեղափոխության պահապանների կորպուսը չընդգրկեն ահաբեկչական կազմակերպությունների ցուցակում

Չորեքշաբթի Եվրախորհրդարանը կոչ է արել ԵՄ-ին Հեղափոխության պահապանների կորպուսը ներառել ահաբեկչական կազմակերպությունների շարքում։ Այս մասին տեղեկացնում է իսրայելական The Jerusalem Post-ը։

Իրանը հինգշաբթի նախազգուշացրել է, որ Եվրամիությունը «կկրակի իր ոտքին»՝ Հեղափոխության պահապանների կորպուսը ներառելով որպես ահաբեկչական կազմակերպություն, հայտարարել է արտգործնախարար Հոսեյն Ամիրաբդոլլահյանը ԵՄ արտաքին գործերի գերագույն ներկայացուցիչ Ժոզեպ Բորելին, հաղորդում է պետական լրատվամիջոցը։

«Մենք բազմիցս ասել ենք, որ Հեղափոխության պահապանները ֆորմալ և ինքնիշխան կազմակերպություն է, որի դերն առանցքային է Իրանի անվտանգության երաշխավորման համար: Եվրախորհրդարանի քայլերը, որոնք կազմակերպությունը դասելու են որպես ահաբեկչական, ինչ-որ կերպ կրակոց են հենց Եվրոպայի ոտքերին»,- ասել է արտգործնախարարը։

Չորեքշաբթի օրը Եվրախորհրդարանը կոչ արեց ԵՄ-ին Հեղափոխական գվարդիան ներառել որպես ահաբեկչական կազմակերպություն՝ մեղադրելով նրան տեղական ցուցարարների հանդեպ ճնշումների և Ուկրաինայում ներգրավված ռուս զինվորականներին անօդաչու սարքերի մատակարարման մեջ:

Հակակառավարական ցույցեր

Իրանում լայնածավալ հակակառավարական ցույցեր բռնկվեցին սեպտեմբերին այն բանից հետո, երբ մահացավ քուրդ իրանցի Մահսա Ամինին, ով ձերբակալվել էր կանանց նկատմամբ դրսևորման խիստ կանոնները խախտելու համար։

Եվրախորհրդարանը դատապարտել է Իրանի անվտանգության ուժերի կողմից ցուցարարների նկատմամբ ճնշումները, որոնց թվում է նաև Հեղափոխության պահապանների կորպուսին որակելով որպես «վայրագություն»:

«Անհրաժեշտ է հարգել դիվանագիտական աշխարհում փոխադարձ անվտանգությունը և բարձրացնել փոխվստահությունը՝ սպառնալիքների և անբարյացակամ գործողությունների լեզվին հետևելու փոխարեն: Ահաբեկիչների ցուցակի ցանկացած դեպքում Իրանը փոխադարձ միջոցներ կձեռնարկի»,-ասել է Հուսեյն Ամիր-Աբդոլլահյանը:

Նշենք, որ Իրանը և համաշխարհային տերությունները, այդ թվում՝ ԵՄ անդամներ Ֆրանսիան և Գերմանիան, բանակցություններ են վարում 2021 թվականից՝ 2015 թվականի միջուկային համաձայնագիրը վերականգնելու համար, որոնց քննարկումները սեպտեմբերից փակուղում էին: