Ուկրաինայի Ներքին գործերի նախարարության ղեկավարությունը զոհվել է ավիավթարի հետևանքով

Կիևի մարզում ուղղաթիռի կործանման ժամանակ զոհվել է Ուկրաինայի ներքին գործերի նախարար Դենիս Մոնաստիրսկին, հայտնում է Ազգային ոստիկանությունը Տելեգրամի իր ալիքում՝ հղում անելով ղեկավար Իգոր Կլիմենկոյին։

«Այսօր՝ հունվարի 18-ի առավոտյան, Բրովարիում վթարի է ենթարկվել Արտակարգ իրավիճակների պետական ​​ծառայության ուղղաթիռը, վթարի հետևանքով մահացել է ՆԳՆ ղեկավարությունը՝ նախարարը, նախարարի առաջին տեղակալը և պետքարտուղարը»,- ասված է հրապարակման մեջ:

Որպես նախարարի առաջին տեղակալ աշխատել է Եվգենի Ենինը, իսկ Յուրի Լուբկովիչը զբաղեցնում էր ՆԳՆ պետական ​​քարտուղարի պաշտոնը։

Ազգային ոստիկանության տվյալներով՝ վթարի զոհ է դարձել 16 մարդ, այդ թվում՝ երկու երեխա։ Մահացածներից ինը ինքնաթիռում են եղել։ 22 տուժածներ տեղափոխվել են հիվանդանոցներ, այդ թվում՝ տասը երեխա։

Ինչպես ավելի ուշ գրել է ուկրաինական  "Зеркало недели" հրատարակությունը, վկայակոչելով Ներքին գործերի նախարարությանը, զոհերի թիվը հասել է 18-ի, այդ թվում՝ երեք երեխա։ Տուժել է 26 մարդ, այդ թվում՝ 12 երեխա։

Ուղղաթիռը կործանվել է Բրովարի քաղաքում՝ մանկապարտեզի և բնակելի շենքի մոտ։ Բոլոր հատուկ ծառայությունները տեղում են։

Ուկրաինայի ՆԳՆ-ն վթարի հնարավոր պատճառների թվում նշել է տեխնիկայի անսարքությունը, անվտանգության կանոնների խախտումը և դիվերսիան։