Քննադատական հայտարարություն Իրանից. Ի՞նչ ուղերձ է հղել Սիրիան Թուրքիային

Իրանի արտաքին գործերի նախարար Հուսեյն Էմիր Աբդոլլահիյանն ասել է, որ իրենք ողջունում են Թուրքիայի և Սիրիայի միջև երկխոսությունը և ակնկալում են, որ բանակցությունները դրական անդրադարձ կունենան երկկողմ հարաբերությունների վրա։ Այս մասին տեղեկացնում է թուրքական Akşam-ը։

Լիբանանի մայրաքաղաք Բեյրութում իր շփումների շրջանակներում Աբդոլլահիյանը հանդիպել է իր գործընկեր Աբդալլահ Բուհաբիբի հետ։ Հանդիպումից հետո երկու նախարարները հանդես են եկել համատեղ մամուլի ասուլիսով։ Իրանի արտգործնախարար Աբդուլլահիյանը հայտարարել է, որ Բուհաբիբի հետ հանդիպմանը քննարկել են տարածաշրջանային և միջազգային հարցեր, ինչպես նաև Լիբանանի և Իրանի միջև տնտեսական համագործակցության ներուժը և Լիբանանի էներգետիկ ճգնաժամը։

Սիրիայի ուղերձը Թուրքիային

Անդրադառնալով Թուրքիա-Սիրիա երկխոսության շուրջ Իրանի դիրքորոշմանը լրագրողների հարցին՝ Աբդոլլահիյանն ասել է. «Մենք ողջունում ենք երկու երկրների միջեւ առկա խնդիրների լուծման բանակցությունները, կարծում ենք, որ բանակցությունները կարող են դրականորեն անդրադառնալ երկու երկրների շահերին»։

Սաուդյան Արաբիայի հետ բանակցությունների վերաբերյալ, որի հետ իր երկիրը դիվանագիտական հարաբերություններ չունի, Աբդոլլահիյանն ասել է հետեւյալը. «Վերջին ամիսներին Բաղդադում մենք բանակցություններ ենք վարել Սաուդյան Արաբիայի հետ։ Եվս մեկ հանդիպում կայացել է Ամմանում։ Կարճատև հանդիպում է եղել Սաուդյան Արաբիայի արտգործնախարար Ֆեյսալ բեն Ֆերհանի հետ։ Հանդիպման ընթացքում ընդգծվել է, որ բանակցությունները պետք է շարունակվեն։ Արաբական երկրի հետ հարաբերությունները խզելու մտադրություն չունեն, հուսով ենք, որ Իրանի և Սաուդյան Արաբիայի միջև նորմալ դիվանագիտական հարաբերություններ կհաստատվեն»։