Ռուսական ուժերն ազատագրել են Սոլեդար քաղաքը

Դոնեցկի Ժողովրդական Հանրապետության տարածքային պաշտպանության շտաբը հաստատել է, որ ռուսական ուժերն ազատագրել են Սոլեդար քաղաքը։ «2023 թվականի հունվարի 17-ի դրությամբ ռուսական զորքերը Դոնեցկի Ժողովրդական Հանրապետության տարածքում ազատագրել են Սոլեդարը»,- ասվում է շտաբի Telegram ալիքում։

Քաղաքը գտնվում է Դոնեցկից մոտ 100 կմ հյուսիս և մինչև վերջերս եղել է Ուկրաինայի Զինված ուժերի պաշտպանության միասնական գծի մի մասը: Հունվարի 11-ի գիշերը Wagner-ի հիմնադիր Եվգենի Պրիգոժինն ասել է, որ քաղաքը, որի շուրջ վերջին շաբաթներին կռիվներ էին ընթանում, վերցվել է վերահսկողության տակ։ Հունվարի 12-ի երեկոյան ռուսական զորքերն ավարտեցին Սոլեդարի ազատագրումը: ՌԴ ՊՆ պաշտոնական ներկայացուցիչ, գեներալ-լեյտենանտ Իգոր Կոնաշենկովի խոսքով՝ այս քաղաքի ամբողջական վերահսկողությունը թույլ է տալիս կտրել ուկրաինական զորքերի մատակարարման ուղիներն Արտեմովսկում, այնուհետև արգելափակել և շրջապատել այնտեղ մնացած ստորաբաժանումները։

Ուկրաինան հրաժարվում է ընդունել Սոլեդարի կորուստը: Ինչպես ՏԱՍՍ-ին է հայտարարել ԼԺՀ-ի Ժողովրդական խորհրդի հետ միջխորհրդարանական հարաբերությունների համակարգող, Պետդումայի ԱՊՀ, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Վիկտոր Վոդոլացկին, Կիևի համար դժվար կլինի խոստովանել Սոլեդարի կորուստը, ինչպես նաև ՆԱՏՕ-ի համար: Սա ձախողում կլինի, քանի որ քաղաքի նկատմամբ վերահսկողությունը զգալի, այդ թվում՝ աշխարհաքաղաքական նշանակություն ունի։