ՀԱՊԿ զորավարժությունից հրաժարվելը չի նվազեցնում ադրբեջանական հարձակման հավանականությունը․ Տիգրան Աբրահամյան
Եթե առաջնորդվենք Նիկոլ Փաշինյանի մոտեցմամբ, ապա Հայաստանի Զինված ուժերը որևէ զորավարժություն, մարտունակությունը բարձրացնելու որևէ միջոցառում չպետք է իրականացնեն։ Այս մասին ԱԺ-ում լրագրողների հետ ճեպազրույցի ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը:
Նրա խոսքով՝ ի վերջո, եթե խոսում ենք ՀԱՊԿ-ի՝ որպես ռազմաքաղաքական դաշինքի մասին, ապա պետք է նկատել, որ զորավարժությունների անցկացումն առաջին հերթին ուղղված է Զինված ուժերի մարտունակության բարձրացմանը։ ՀԱՊԿ-ի ֆորմատում այն ուղղված է ոչ միայն մարտունակության բարձրացմանը, այլ նաև զորքերի գործողությունների ներդաշնակեցմանը:
«Իսկ երկրորդը, ես կարծում եմ, որ Ռուսաստանի քայլն առհասարակ ՀԱՊԿ զորավարժություններն այս տարի Հայաստանում անցկացնելու վերաբերյալ ունեցել են քաղաքական նշանակություն, քաղաքական հիմք, պայմանավորված Հայաստանում ստեղծված իրավիճակով։ Դա նաև որոշակի սատարման քայլ է դիտարկվում որպես այդպիսին։ ՀՀ իշխանությունների որոշումն ինձ համար ընկալելի չէ և չեմ տեսնում դրա՝ Հայաստանի համար բարենպաստ հետևանքները»,- նշեց Աբրահամյանը։
Անդրադառնալով Ադրբեջանի և Թուրքիայի սպառնալիքներին՝ Աբրահամյանը նշեց․ «Առանց այդ էլ Ադրբեջանն ու Թուրքիան բավականին ինտենսիվ զորավարժություններ են անցկացնում: Հայտարարվել է, որ մինչև 2025 թվականն այդ երկրների զինված ուժերն ունենալու են ներդաշնակեցում և ինտեգրում, լինելու է միասնական կառավարում, ինչն ինքնին արդեն իսկ բավականին ծանր սպառնալիք է ՀՀ-ի համար: Հայաստանը պետք է օգտվի նաև դաշնակիցների, հնարավոր բարեկամ երկրների շրջանակից՝ ինչպես արտաքին քաղաքական ուղղությամբ, այնպես էլ անվտանգության համակարգն ամրապնդելու գործողություններց։ Որովհետև ակնհայտորեն սպառնալիքները Հայաստանի և Արցախի գլխին կախված մեծանում են և Հայաստանի իշխանությունների՝ այս կամ այն զորավարժությունից հրաժարվելու քայլը որևէ ձևով չի նվազեցնում ադրբեջանական հնարավոր հարձակման հավանականությունը: Ավելին ասեմ, եթե Ադրբեջանը նման նպատակ ունենա, նա հաստատ առիթը կգտնի։ Եվ այդ զորավարժությունները չեն, որ նրան կաշկանդելու են կամ հնարավորություն ստեղծելու»։
Էրեբունիում հայրը փորձել է բռնաբարել դստերը. «Հրապարակ»
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
