Ռուսական զորքերը Կիևին հարվածել են նոր S-400 հրթիռներով

Ռուսական զորքերը շաբաթ օրը՝ հունվարի 14-ին, հարձակվել են Կիևի վրա՝ նոր  С-400 զենիթահրթիռային համակարգի հրթիռներով։

Defense Express հրատարակությունը հրապարակել է 48N6DM ինդեքսով հրթիռի բեկորների լուսանկարը։ Սա ռուսական S-400 ՀՕՊ համակարգի նոր հրթիռ է՝ 230 կիլոմետր հեռահարությամբ և 180 կիլոգրամ քաշով մարտագլխիկով։

Հաղորդվում է, որ, ամենայն հավանականությամբ, հրթիռներ արձակելու տարածքը Բելառուսի Զյաբրովկա օդանավակայանի տարածքն է, որը գտնվում է Գոմելի մոտ՝ Ուկրաինայի հետ սահմանից ընդամենը 20 կիլոմետր հեռավորության վրա։