ԱՄՆ-ը ու Ֆրանսիան դատապարտում են Իրանի կողմից ենթադրյալ լրտեսի մահապատիժը. Մեծ Բրիտանիան պատժամիջոցներ է սահմանում

Իրանի արտաքին գործերի նախարարությունը հայտարարել է, որ կանչել է Մեծ Բրիտանիայի դեսպանին՝ «Իրանի ազգային անվտանգության ոլորտում Լոնդոնի միջամտության» պատճառով: Այս մասին հայտնում է The Jerusalem Post-ը։

Մեծ Բրիտանիայի արտաքին գործերի նախարար Ջեյմս Քլեվերլին շաբաթ օրը հայտարարել է, որ Բրիտանիան ժամանակավորապես կհանի իր դեսպանին Իրանից՝ բրիտանական արմատներով իրանցի Ալիռեզա Աքբարիի մահապատժից հետո և մտածում է, թե հետագա ինչ քայլեր ձեռնարկել Թեհրանի դեմ:

«Կարևոր է գիտակցել, որ մեր պատասխանը պարտադիր չէ, որ սահմանափակվի այն գործողություններով, որոնք ես այսօր հայտարարել եմ»,-ասել է նա հեռարձակողներին և հավելել,-«Ես ակնհայտորեն կորոշեմ՝ խորհրդակցելով կառավարության իմ գործընկերների հետ, թե ինչ հետագա գործողություններ կարող ենք ընտրել, բայց ես այսօր չեմ պատրաստվում շահարկել դրանց մասին»:

Նույն օրը՝ ավելի վաղ, Քլեվերլին պատժամիջոցներ է կիրառել Իրանի գլխավոր դատախազի նկատմամբ՝ արժանանալով Իրանի պաշտոնյաների անհապաղ արձագանքին:

«Այսօր նրա նկատմամբ պատժամիջոցներ կիրառելն ընդգծում է մեր զզվանքը Ալիռեզա Աքբարիի մահապատժի նկատմամբ։ Իրանի կողմից մահապատժի կիրառման հիմքում ընկած է գլխավոր դատախազը: Մենք պատասխանատվության ենք ենթարկում ռեժիմին մարդու իրավունքների սարսափելի խախտումների համար»,-գրել է Քլեվերլին Twitter-ի իր միկրոբլոգում։ 

Րոպեներ անց Իրանի պաշտոնյաները «միջամտության» պատճառով կանչել են Իսլամական Հանրապետությունում Մեծ Բրիտանիայի դեսպանին։

Իրանի արտաքին գործերի նախարարությունը շաբաթ օրը հայտարարեց, որ կանչել է դեսպանին Լոնդոնի «Իրանի ազգային անվտանգության ոլորտում միջամտության» պատճառով: Շաբաթ օրը՝ ավելի վաղ, Բրիտանիան Իրանի կողմից բրիտանացի իրանցի Ալիռեզա Աքբարիի մահապատիժը որակել էր որպես բարբարոսություն և ասել, որ դա անպատիժ չի մնա:

«Նրան «նախազգուշացրել են, որ Իրանի կողմից միջազգային իրավունքի բազմակի խախտումները չեն կարող անպատասխան մնալ, մասնավորապես՝ կապված օտարերկրյա քաղաքացիների նկատմամբ վերաբերմունքի հետ, որոնց նա կամայականորեն կալանավորում է»,-ասվում է ԱԳՆ հայտարարության մեջ:

Ֆրանսիայի նախագահ Էմանուել Մակրոնը շաբաթ օրը հավելել է, որ Աքբարիի մահապատիժը նողկալի և բարբարոսական արարք է, ասելով, որ ինքը համերաշխ է Բրիտանիայի հետ։

Լոնդոնում ԱՄՆ դեսպանը շաբաթ օրը հայտարարել է, որ Միացյալ Նահանգները դատապարտում է բրիտանացի իրանցի Ալիռեզա Աքբարիի մահապատիժը՝ այն որակելով որպես «սարսափելի»: