Իբր ԲՀԿ-ին շատ են ուզում, մի հատ էլ ՕԵԿ-ին բերեն. քաղտեխնոլոգ

ԲՀԿ-ն չի տառապում քաղաքական էթիկայի կաննոներով և բնականաբար ցանկանում է մտնել կոալիցիա, քանի որ կոալիցիայի մաս կազմելով կարող է մտնել խորհրդարան, իսկ դա նշանակում է պահպանել սեփական բիզնեսը:

Newspress.am-ի հետ զրույցում անդրադառնալով կոլացիոն առևտրին` ընդգծեց քաղտեխնոլոգ Արմեն Բադալյանը:

Նա նկատեց, որ իրականում ԲՀԿ-ի վարչաֆինասական ռեսուրսը դե յուրե պատկանում է ԲՀԿ-ին, դե Ֆակտո` ՀՀԿ-ին:

Նա հիշեցրեց դեկտեմբերի 6-ի հանրաքվեն, երբ ընտրական տեղամասերում ԲՀԿ-ի ցուցակներում ընդգրկված հանձնաժողովի անդամները ու վստահված անձիք հիմնականում հենց հանրապետականներ էին և աշխատում էին հանրապետականների համար:
Արմեն Բադալյանի դիտարկմամբ` ԲՀԿ-ում հասկանում են, որ իրենք այլևս խորհրդարանում հայտնվելու այլընտրանք չունեն:

«ԲՀԿ նախկին առաջնորդի շոգեքարշը այլևս չկա, իսկ առանց այդ շոգեքաշի ԲՀԿ-ն այլևս չի կարող խորհրդարան մտնել: Առավել ևս` չեն կարող հակամարտության մեջ մտնել հանրապետականի հետ: Նրանց մնում է հանարապետականի հետ մտնել քաղաքական հարաբերությունների մեջ»,- նշեց նա:

Մյուս կողմից էլ հարց է առաջանում. կցանկանա՞ արդյոք ՀՀԿ-ն, որ իր գերակա դաշտում հայտնվի մի այլ ուժ, այն դեպքում, երբ Հայաստանի տնտեսական վիճակի ֆոնին` գերակա դաշտը փոքրացել է, և եթե ԲՀԿ-ն մտնի այդ դաշտ` դա լինելու է  ՀՀԿ-ի հաշվին:

Քաղտեխնոլոգը նկատում է` «գուցե նախագահին է պետք, բայց հանրապետականներին դա պետք չէ, քանի որ հանրապետականներն իրենց պաշտոնները զիջելու են ԲՀԿ-ին»:

Ինչ վերաբերում է Օրինաց երկիր կուսակցությանը, ապա Արմեն Բադալյանի որակմամբ` 2008թ-ին ՕԵԿ-ը մահացել է.
«Մահացածին գերակա դաշտ բերել ու պաշտոն տալ, որ ինչ: Իբր ԲՀԿ-ին են շատ ուզում, մի հատ էլ ՕԵԿ-ին բերեն»,- եզրափակեց քաղտեխնոլոգը: