Եթե մանդատից զրկելու հարցը հասնի ՍԴ, ապա այն միանշանակ հակօրինական գործողություն է. Արծվիկ Մինասյան (տեսանյութ)

Ազգային ժողովի «Հայաստան» խմբակցության պատգամավոր Արծվիկ Մինասյանը կարծում է, որ իրենց խմբակցության 22 պատգամավորներին մանդատից զրկելու հարցը, եթե հասնի ՍԴ, ապա այն միանշանակ հակաքաղաքական, հակասահմանադրական, հակօրինական գործողություն է:

«Դա խորհրդի նիստ օրակարգում ըդգրկվող նախագիծ է, խորհուրդը դեռ նման որոշում չի կայացրել, օրենքի համաձայն եթե տեղեկանք է ներկայացվում, այն ավտոմատ պետք է ընդգրկվի խորհրդի նիստի օրակարգ: Կտեսնենք, թե իրենք ինչ որոշումներ կկայացնեն, գործող օրենքի համաձայն, եթե պատգամավորը չի մասնակցում այդ քննարկմանը, ավտոմատ 7 օրով հետաձգվում է այդ հարցը և հաջորդ նիստին, նույնիսկ եթե պատգամավոր չի մասնակցում, խորհուրդն իրավասու է կայացնել համանման որոշում` դիմելու Սահմանադրական դատարան, կամ չդիմելու,կամ պարզապես խորհուրդը որևէ որոշում չի կայացնում, որից հետո, եթե չի կայացնում որոշում, ապա այդ իրավունքն անցնում է պատգամավորների 1/5-րդ ին, ովքեր ունեն 30-օրյա ժամկետ նույն հարցով ՍԴ դիմելու համար:

Պետք է արձանագրեմ, որ ինչպես նախորդ անգամ, այս անգամ ես միարժեքորեն համոզված եմ, որ այն գործողությունը, որը որ նախատեսվում է, օրինակ որ կմիջնորդեն ՍԴ-ում լիազորությունների դադարեցման հարցով, ակնհայտ հակաքաղաքական, հակասահմանադրական, հակօրինական գործողություն է, դրա բոլոր իրավական հիմքերը և փաստարկները կան և անհրաժեշտության դեպքում այն կվիճարկվի նաև Սդ-ում: Թեև այդ ՍԴ-ն արդեն մեծամասամբ զավթված է գործող քաղաքական ուժի կողմից, բայց, այնուամենայնիվ, գոյություն ունեն միջազգային կանոններ, սկզբունքներ, միջազգային պարտավորութուն ՀՀ-ի կողմից ստանձնած, որոնք պարզապես չեն կարող անտեսվել»,- NEWS.am-ի հետ զրույցում ասաց նա:

Մինասյանն ասաց, որ յուրաքանչյուր պատգամավորի հարցը ինչպես ԱԺ խորհրդի նիստում, այնպես էլ Սդ-ում անհատապես է քննարկվելու և պատգամավորը իրավունք ունի ինչպես անձամբ, այնպես էլ ներկայացուցչի միջոցով հանդես գալ:

«Սդ-ն ըստ գործող կարգավորումների, երբ մուտք է արվում նման միջնորդություն, 30-օրյա ժամկետում պետք է որոշում կայացնի, եթե այլ հիմնավորումներ չի ներկայացվում և որոշման կայացումը չի կասեցվում: Հարցն այն է, որ իրականում այն մեկնաբանությունը, որ տրվում է կոնկրետ դեպքում, մեր խորին համոզմամբ, ինքը սահմանդրության հետ հակասության մեջ է մի քանի պահանջներից ելնելով, հատկապես հաշվի առնելով 2015 սահմանադրական փոփոխություններով ուղիղ է ամրգարված, որ պատգամավորը պատասխանատվություն չի կարող կրել իր պատգամավորական գործունեության շրջանում իր քվեարկության համար: Եվ քվերակությունների կեսից բացակայելու դեպքում ՍԴ մեկնաբանման կարիք ունի, թե ինչ է նշանակում քվերակություն»,- ասաց նա:

Պատգամավորի խոսքով` ակնհայտ է, որ ժողովրդի քվեն ստացած պատգամավորը հենց այնպես չի կարող զրկվել այդ լիազորություններից:

Մանրամասները՝ տեսանյութ: