Հայաստանն աշխատում է Լեռնային Ղարաբաղի հարցում դաշնակիցներ փոխելու ուղղությամբ. Կոնստանտին Զատուլին

Եվրոպայի և ԱՄՆ-ի երկրները մտադիր չեն օգնել հայկական կողմին հակամարտության կարգավորման հարցում: Այս մասին ասել է Պետդումայի ԱՊՀ գործերով, եվրասիական հանձնաժողովի նախագահի առաջին տեղակալ Կոնստանտին Զատուլինը:

«Այս իրավիճակում հայտարարությունները, թե Հայաստանը ոչինչ չի անելու ՀԱՊԿ-ի հետ կապված, ոչ մի կերպ չեն ուժեղացնում Հայաստանին։ Բայց դրանք միայն վկայում են այն մասին, որ Փաշինյանի իշխանությունը գնում է իր դաշնակցին փոխելու ճանապարհով՝ ցանկանալով Արևմուտքին բերել տարածաշրջան։ Այն հույսով, որ Արևմուտքը՝ ԱՄՆ-ն, Ֆրանսիան կօգնեն գլուխ հանել Թուրքիայի և Ադրբեջանի հետ։ Բայց նրանք երբեք չեն արել, և չեն էլ անի, վստահ եմ: Որովհետև նրանց, հատկապես ԱՄՆ-ի համար ամենակարևորը Ռուսաստանն այս տարածաշրջանից հեռացնելն է։ Մնացած ամեն ինչը` հայ բնակչության ու Լեռնային Ղարաբաղի ճակատագիրը, նրանց քիչ է հետաքրքրում»:

Արևմտյան երկրների կարծիքի վրա կարող է ազդել հայկական սփյուռքը, որը պայքարում է Լեռնային Ղարաբաղի անկախության համար, կարծում է պատգամավորը։ Սակայն նրանց հնարավորությունները սահմանափակ են, հավելել է Զատուլինը։

«Այն ամենը, ինչ կատարվում է հիմա, Փաշինյանի իշխանության մանևրներն են, որը վերջին վեց ամսվա ընթացքում անկեղծորեն աշխատում է իր դաշնակիցներին փոխելու ուղղությամբ։ Ռուսաստանի փոխարեն՝ Արևմուտք: Իսկ այն, որ այս հայտարարությունները հնչել են միաժամանակ, խոսում է այն մասին, որ նրանք խաղում են Հայաստանի իշխանության մեջ։ Նրանք մի կողմից հայտարարում են, որ ցանկանում են ընդունել ռուսական տարբերակը Լեռնային Ղարաբաղում իրավիճակի կարգավորման առանց ասելու, թե որն է։ Իսկ մյուս կողմից՝ միաժամանակ խոսում են ՀԱՊԿ-ում ակտիվ մասնակցություն չունենալու մասին՝ քաջ գիտակցելով, որ ՀԱՊԿ-ը Ռուսաստանի կողմից ստեղծված դաշինք է»։

Ավելի վաղ Կոնստանտին Զատուլինը Moscow Speaking-ին տված հարցազրույցում կանխատեսել էր դժվարին բանակցություններ Լեռնային Ղարաբաղի հարցում։ Պատգամավորը նշեց, որ քննարկումը լինելու է վիճելի տարածքի կարգավիճակի շուրջ։