Հայաստանը որևէ պաշտոնական առաջարկ չի ստացել Ռուսաստանի կողմից Միութենական պետության կազմ մտնելու․ Փաշինյան (տեսանյութ)

Ռուսաստանի կողմից Միութենական պետություն մտնելու պաշտոնական ձևով չի եղել և չէր էլ կարող լինել։ Ասուլիսի ժամանակ այս մասին հայտարարեց Նիկոլ Փաշինյանը։

«Բայց իրականությունը, ցավոք, այդքան պարզ չէ, որքան թվում է: Երբեմն պետք է ավելի խորը դիտարկենք հարցերի ոչ միայն տեքստը, այլ ենթատեքստը: Մեզ համար ՀՀ ինքիշխանությունը, պետականությունն ու անկախությունը բացարձակ արժեքներ են»,–ասաց նա։

Լրագրողի դիտարկմանը, թե ոչ պաշտոնական խողովակներով նման ճնշումներ եղե՞լ են` Փաշինյանն արձագանքեց` նայած, թե ինչ նկատի ունեն․ «Օրինակ` փորձագետների կողմից շարունակաբար զարգացվող խոսույթներն էլ, ոչ պաշտոնական շփումներն էլ կարող են ոչ պաշտոնական խողովակներով այդ հարցը բարձրացնել համարվել»,- ասաց Փաշինյանը։

Նա ենթադրում է, որ ՀՀ ԱԽ քարտուղար Արմեն Գրիգորյանը նաև դա է նկատի ունեցել, երբ ասել է, որ Հայաստանի վրա ճնշումներ կան՝ միանալու Միութենական պետությանը։