Անկարգություններ Բրազիլիայում. կա 150 կալանավորված անձ

Բրազիլիայի Գերագույն դատարանը մայրաքաղաքում անկարգությւոնների մասնակից 150 մարդու կալանավորվել է։ Այս մասին հայտնում է G1-ը։ Ձերբակալվել է ևս 30 մարդ։

CNN Brazil-ը հայտնել է, որ նրանց կարող է սպառնալ մինչև 12 տարվա ազատազրկում։ Իրավապահներն արձանագրել են անկարգությունների  պլանավորումը։

Խոսքը վանդալների մասին է, ովքեր ներխուժել են երկրի Ազգային Կոնգրեսի շենք և այնտեղ ջարդ կազմակերպել։ Խորհրդարանի շենքում արված կադրերում երևում են բազմաթիվ ավերածություններ, կոտրված ապակիներ, կոտրված կահույք և նույնիսկ այրվող իրեր։

Բացի այդ, հեռուստաալիքը ցույց է տվել ցույցերի մասնակիցներին, որոնց ձեռնաշղթաներով դուրս են բերել նախագահական պալատի շենքից։ Դաշնային Գերագույն դատարանի շենքում վանդալները կոտրել են նիստերի դահլիճը և գողացել դատավորների հագուստը։

Ձերբակալվածներին ավտոբուսով տեղափոխել  են ոստիկանության բաժիններ։