Քրիստիննե Գրիգորյանը ՄԱԿ-ի մարդու իրավունքների խորհրդին կոչ է արել ուղարկել փաստահավաք առաքելություն

«Միջազգային իրավական ներկայացուցչի գրասենյակը դեռևս օրեր առաջ նամակ էր ուղղել Հաագայի դատարանին՝ ներկայացնելով, որ շրջափակումն իրականացվում է Արցախի բնակչության դեմ՝ էթնիկ ատելության քաղաքականության հիմքով»,-կառավարության շենքի դիմաց լրագրողներին հայտնեց ՄԻՊ Քրիստիննե Գրիգորյանը և հիշեցրեց, որ էթնիկ ատելության հիմքով Հայաստանի մեկ դիմում արդեն իսկ քննվում է դատարանում:

ՀՀ օմբուդսմենն ասաց, որ Լաչինի միջանցքը փակելու վերաբերյալ միջազգային գնահատականներ կան, բայց պետք են նաև հստակ գործողություններ:

Հիշեցնելով, որ արդեն իսկ միջազգային կարևոր դերակատարներ ու կազմակերպություններ ուղիղ և հասցեական գնահատականներ են հնչեցրել՝ Գրիգորյանն ասաց. «Շարունակվող բլոկադան հիմք է տալիս պնդելու, որ գնահատականներն այլևս մեզ չեն բավարարում, որովհետև իրավիճակը դրանից չի փոխվում, անհրաժեշտ է անցնել գործողությունների: Մասնավորապես ՄԱԿ-ի մարդու իրավունքների խորհրդին կոչ եմ արել ուղարկել փաստահավաք առաքելություն Լաչինի միջանցք՝ տեղում իրավիճակը հասկանալու և իր հետևությունների համար հիմք ունենալու համար»:

Նրա խոսքովէ ՄԱԿ-ի ԱԽ-ին պիտի ներկայացվեն իրավիճակի վերաբերյալ տեղեկություններ ՄԱԿ-ի մասնագիտացված կազմակերպությունների կողմից: