Բացակա Դավոսի համաժողովում. Հայաստանը չմասնակցեց տնտեսական ֆորումին

Հերթական անգամ Հայաստանի կառավարությունը չմասնակցեց Դավոսի համաժողովին:

Նկատենք, որ համաժողովին մասնակցում են 100 երկրների պատվիրակություններ, որոնց ղեկավարում են այդ երկրների վարչապետներն ու նախագահները:

Այս համաժողովին Հայաստանը որևէ ձևաչափով չի մասնակցում՝ չցանկանալով աշխարհի տնտեսության մաս կազմել:

Թե ինչո՞ւ Հայաստանը չի մասնակցում Դավոսի ֆորումին Ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը newspress.am-ի հետ զրույցում ասաց. «Չի կարելի նման հարց տալ, թե Հայաստանն ինչու չի մասնկացում. Կառավարություններն են մասնակցում այդ ֆորումին՝ նրանց հարցրեք…»,- ասաց Գագիկ Մինասյանը:

Հիշեցնենք, որ Դավոսի համաժողովում այս տարի քննարկվում է հետճգնաժամային փուլերում երկրների տնտեսությունների ճկուն, կայուն, դինամիկ զարգացման հեռանկարները, այլընտրանքային ռեսուրսների փնտրումը:

Մեր երկրի պաշտոնյաները, ովքեր սովորաբար սիրում են մեծ գումարներ ծախսել տարբեր գործուղումների վրա, հանկարծ որոշել են խնայողություններ անել կարևորագույն տնտեսական նշանակություն ունեցող համաժողովի հաշվին և չմասնակցել Դավոսի միջազգային ֆորումին: