Համախմբվել նիկոլական խունտայի հետ և գնալ թյուրքական ստրկությա՞ն. դա՞ է «ստեղծված ծանր իրավիճակից դուրս գալու ելքը»․ Վահե Սարգսյան

«Կա մի անշառ կոչ. «Պետք է համախմբվել և միասնաբար դուրս գալ այս ծանր իրավիճակից»: Այս մասին ֆեյսբուքյան իր էջում գրել է պատմաբան Վահե Սարգսյանը և հավելել․

«Էս կոչը հատկապես շատ են անում հայտնի ու անհայտ մտավորականները:
Ես հասկանում եմ՝ էդ անշառ կոչով համ չեն ընկնի գլխացավանքի մեջ, և նիկոլական թրքաբարո խունտան չի հարձակվի ու հոշոտի իրենց, համ էլ հայրենասեր ու մտահոգ կերևան ու հետո կասեն՝ մենք էլ էինք պայքարում:

Դրանք թող նկատի առնեն հետևյալը. եթե իրենք ԿՈՆԿՐԵՏ ՉԵՆ ՆՇՈՒՄ Արցախի ու հայոց պետականության դահիճ խունտայի անունը, այսինքն չեն նշում՝ ում դեմ համախմբվել՝ ժամ առաջ քշելու և մի բան փրկելու համար, ապա էդ կոչը ոչ միայն քամի վռնդել կամ ջուր ծեծել է, այլև խորքի մեջ լրիվ այլ բան է նշանակում:

Կստացվի՝ համախմբվել նիկոլական խունտայի հետ և գնալ թյուրքական ստրկությա՞ն. դա՞ է «ստեղծված ծանր իրավիճակից դուրս գալու ելքը»: Կամ՝ կստացվի, որ բոլոր նրանք, ովքեր արդարացիորեն կռիվ են տալիս խունտայի դեմ՝ պառակտի՞չ են:

Հետևաբար՝ բոլոր նրանք, ովքեր էդքան պլոճիկ չունեն, որ անուն տան, ավելի լավ է՝ էդ անատամ, իսկ խորքի մեջ՝ նիկոլի խունտայի շահերին ծառայող կոչերը դադարեցնեն, նստեն ու սպասեն թուրքական ստրկությանը»։