Իրավիճակից երկու ելք կա. կա՛մ զանգվածաբար լքել Արցախը, կա՛մ կանանց, երեխաներին դուրս հանել ու քաղաքը դարձնել թուրքերի գերեզման. Տիգրան Պետրոսյան

Վերածննդի հրապարակում կայացած հանրահավաքն իր նպատակին հասել է՝ աշխարհը տեսավ, որ Ալիևի ասածով չէ: Հասել ենք նաև այլ նպատակների: Այն, որ հանրահավաքին Արայիկ Հարությունյանը չի խոսել, այլ խոսել է Ռուբեն Վարդանյանը, դա արդեն շատ բանի մասին է խոսում: Այս մասին ֆեյսբուքյան իր էջի եթերում ասաց «Վաղվա Արցախ» կուսակցության նախագահ Տիգրան Պետրոսյանը: 

Նա նշեց, որ սպասելու են այսօր Սանկտ-Պետերբուրգում կայանալիք երկկողմ հանդիպումների ադյունքներին՝ ինչ որոշում է կայացվելու և ըստ այդ որոշման էլ շարժվելու են: Եթե ճանապարհը չբացվի, իրենք մյուս օրը պայմանավորվելու են ժամ և գնան դեպի օդանավակայան, պահանջեն ՌԴ խաղաղապահ զորախմբի ղեկավար Վոլկովի հետ հանդիպում: 

Պետրոսյանի խոսքով՝ Կրեմլում պետք է հասկանան, որ Արցախում ղեկավարությունը չի որոշելու, ժողովուրդն է որոշելու, իսկ եթե Ռուսաստանը չի ուզում Հարավային Կովկասում ազդեցությունը կորցնել, ապա պետք է ժողովրդին լսի: 

«Ժողովուրդը քեզ է հավատացել, պարոն Վլադիմիր Պուտին, ժողովուրդը եռակողմ հայտարարության մեջ, որ դու ստորագրել ես, քեզ է հավատացել՝ որպես գերտերության նախագահ: Եվ վերադարձել է այն երաշխիքով, որ ճանապարհը թողնելու ես»,- ասաց նա: 

Ըստ Պետրոսյանի ոչ թե 3 այլ, 2 ելք կա իրավիճակից. կա՛մ զանգվածաբար լքել Արցախը, կա՛մ կանանց ու երեխաներին դուրս հանել ու Ստեփանակերտը թուրքերի գերեզման դարձնել: 

Մանրամասները՝ տեսանյութում