Աննա, բա հեղափոխության ժամանակ ու ամուսնուդ քարոզարշավին պաստառ բռնած երեխաների մասով ասելիք չունե՞ս (լուսանկարներ)

Իրեն վարչապետ հռչակած ու հետույքն աթոռից չպոկող Նիկոլ Փաշինյանի կինը՝ Աննա Հակոբյանը, սրտաճմլիկ, ինչպես ինքն է ասում՝ լալահառաչ, գրառում է արել, թե՝ երեխեքը չեն հասկանում՝ ինչ են անում՝ ծնողներն են մեղավոր...

Նրան շատ է «մտահոգել», որ արցախցի փոքրիկները, աշխարհին քնից արթնացնող ու կոչ անող գրառումներով պաստառներ են բռնել:

Աննան, կարծես թե արդարանալով թուրքի առաջ, իր երկար ու հերթական նյարդաջղային ցնցումների արդյունքում ծնված տեքստով, նշել է, թե իբր «3, 4, 5 տարեկան բալիկներին հայրիկներն ու մայրիկներն են ստիպում պարզել այդ սրտաճմլիկ բնույթի տեքստեր»...

Նրա այս պոռթկումային գրառմանը անդրադառնալով՝ առանձնացնենք ընդամենը 2 փաստ...

Նախ նկատենք, որ Աննան իր գրառումը սկսել է՝ հիշեցնելով 2021 թվականի միջադեպը, երբ այդ նույն մեծերն իբր արգելեցին երեխաներին տոնակատարության մասնակցել՝ ապամոնտաժելով Ստեփանակերտում տեղադրված տոնածառն ու համերգի համար նախատեսված վրանները..

Սա, իհարկե, հերթական մանիպուլյացիան է՝ հաշվի առնելով, որ Աննան Հակոբյանն ինքն էր նախաձեռնել այդ միջոցառումը, որի նպատակն ամենևին էլ փոքրիկներին ուրախացնելը չէր:

44-օրյա պատերազմը նոր էր ավարտվել ու շատերն իրենց դիակներն էին դեռ հանում դաշտից: Այդ օրերին բոլոր ընտանիքներն իրենց տան անդամներին կամ հարազատներին էին հուղարկավորում, զգում էին զոհված մտերիմների մահն ու ոչ ոք սիրտ ու հավես չուներ...

Իսկ Աննան փորձում էր ցույց տալ «եղբայր» թուրքերին, թե ամեն ինչ կարգին է ու Արցախն ու Հայաստանն էլ չեն նեղվում կատարվածի համար...

Աննան մինչ օրս թերևս նեղսրտած է մնացել, որ իր դրած վրաններում ու տոնածառն ապամոնտաժեցին...

Սա մի կողմից, մյուս կողմից, երբ Հակոբյան Աննան ակնարկում է երեխաներից դեմքով կոչեր, հայտարարություններ անելու մասին, կամ որ երեխաներին խառնում են քաղաքականությանը, ապա թող չմոռնա, թե ովքեր էին, իրենց որակմամբ, «թավշյա հեղափոխության» առաջին գծում: