Հունվարի 1-ից խնամքի արձակուրդում գտնվող ծնողները կստանան 3000 դրամով ավել նպաստ (տեսանյութ)

Սահմանվել է երեխաների խնամքի նպաստի նոր չափ։ Այդ մասին կառավարության նիստի ժամանակ ասաց Աշխատանքի և սոցիալական հարցերի նախարար  Նարեկ Մկրտչյանը։

«Հունվարի 1-ից և՛ գյուղաբնակ, և՛ քաղաքային բնակավայրերում ապրող, մինչև 2 տարեկան երեխա խնամող մայրերն ուղիղ 3000 դրամով ավել նպաստ կստանան»,- ասաց նա։

Ըստ սահմանված նոր չափի՝ ստացվում է հետևյալ պատկերը․

2023թ. հունվարի 1-ից մինչև երկու տարեկան երեխայի խնամքի նպաստի չափերը սահմանվում են՝

մինչև 2023 թվականի հունվարի 1-ը ծնված երեխային խնամելու կապակցությամբ՝

*խնամքի արձակուրդում գտնվող ծնողի համար՝ 31,600 դրամ (գործող 28,600 դրամի փոխարեն),

*գյուղաբնակ չաշխատող ծնողի համար՝ 31,600 դրամ (գործող՝ 28,600 դրամի փոխարեն),

*խնամքի արձակուրդում գտնվող գյուղաբնակ ծնողի համար՝ 63,200 դրամ (գործող՝ 57,200 դրամի փոխարեն):

2023 թվականի հունվարի 1-ից հետո ծնված երեխային խնամելու կապակցությամբ՝

*խնամքի արձակուրդում չգտնվող ծնողի համար՝ 31,600 դրամ (գործող՝ 28,600 դրամի փոխարեն),

*խնամքի արձակուրդում գտնվող ծնողի համար՝ 37,500 դրամ (գործող՝ 28,600 դրամի փոխարեն),

*խնամքի արձակուրդում գտնվող գյուղաբնակ ծնողի համար՝ 69,100 դրամ (գործող՝ 57,200 դրամի փոխարեն):