Ռուս խաղաղապահներին կհանեն Արցախից, կհայաթափեն Արցախը և այն կդարձնեն թուրք-ադրբեջանական ոտքի կոխան, և այս ամենը հանուն փողի. Իշխանյան

Ուրուգվայի խորհրդարանը հայտարարություն է ընդունել, պահանջելով բացել Բերձորի միջանցքը։ ՄԱԿ-ի անվտանգության խորհրդի նիստում ԱՄՆ-ը, Ֆրանսիան, Իռլանդիան, Նորվեգիան կոչ արեցին բացել միջանցքը։ Ա՛յ, տեսնում եք, թե որ երկրներն են մեր դաշնակիցները և որ ժողովուրդներն են հայասեր։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։

«Այո՛, միայն հայասեր երկրներին պետք է ապավինել և ստեղծել միջազգային մեխանիզմներ Բերձորի միջանցքը բացելու համար։ Ա՛յ, իսկ Ռուսաստանը ՄԱԿ-ի նիստում հստակ, հասցեագրված կոչ չարեց։ Ահա, թե ով է , իրեն մեզ դաշնակից համարող Ռուսաստանը։

Կարդում ես այս, նույնիսկ պարզունակ բառը չի սազում, «մտքերը» տարբեր գործիչների, այդ թվում բարձր պաշտոնյայի կողմից ասված ու ․․․ Այդ խոսքերը միայն պարզունակության և հորթի ուրախության արգասիքներ չեն։ Այս խոսքերն ուղղված են հայ ժողովրդին, որպես քարոզչություն։ Իրականում, այս խոսքերի տակ թաքնված, շարունակվում է հայ ժողովրդի և Հայաստանի ու Արցախի դեմ շարունակվող դավադրությունը։

Այսպիսի խոսքեր ասողները, կարծում եմ գիտակցում են, որ որևէ «հայասեր» երկիր, բացի մտահոգ կոչերից, երբեք մատը մատին չի տա, իրական ռազմական օգնություն տրամադրելու հայ ժողովրդին։ Այս արարածների նպատակն է, ռուս խաղաղապահներին հանել Արցախից, հայաթափել Արցախը, հեռացնել ռուսական ռազմաբազան Հայաստանից և այն դարձնել թուրք-ադրբեջանական ոտքի կոխան։ Եվ այս ամենը հանուն փողի»,- գրել է Իշխանյանը։