Նախարարի տիկինը, լուսանկարիչն ու աղունիկները. (լուսանկարներ)

Պաշտպանության նախարարի տիկինը` Ռուզաննա Խաչատրյանը, զգացվում է, որ չափից ավելի սեր ունի լուսանկարվելու ու իր լուսանկարները համացանցով ողողելու արվեստի հետ: Այս անգամ՝ չգիտես ում մտահղացմամբ, նա որոշել է մի քանի աղունիկ բերել իր աշխատասենյակ, և ֆոտոսեսիա կազմակերպել թռչունների հետ ու նոր լուսանկարներ ճառագել համացացանց: Այն, որ այս լուսանկարներով ճառագվողներ կլինեն` հաստատ է: Բայց ինչպես ասում են՝ ամեն ինչ չափի մեջ է գեղեցիկ: Կարելի է պատկերացնել, թե լուսանկարիչը ինչքան ջանք ու եռանդ է թափել ՝ աշխատանք տանելով աղունիկների հետ, որ ստանան Ռուզաննա Խաչատրյանի մտածաց լուսանկարները: Իսկ ընդհանրապես կարելի է կարծել, որ Ռուզաննա Խաչատրյանի գլխավորած «Զինվորական բժիշկների հայկական ասոցիացիայի» հիմնական գործառույթն ապահովում է հաստիքավոր լուսանկարիչը՝ իր աշխատանքի շնորհիվ հանրությանը ներկայացնելով տիկնոջ աշխարհայացքն ու ընկալումները՝ գեղեցիկի ու սիրո մասին:

Եթե Ռուզաննա Խաչատրյանը չլիներ պաշտպանության նախարարի տիկին, միգուցե նրա ֆոտոշարքերը այլ երանգ ստանային: Բայց այն, որ մենք գոնե ամեն ամիս սահմանին ունենում ենք 18-20 տարեկան զինվորի զոհ և գրեթե ամեն ամիս պաշտպանության նախարարի տիկինը իր թանկարժեք հագուկապով լուսանկարներ է տարածում, և արդեն կարևոր չէ հոլանդական վարդի, թե աղունիկի հետ, միևնույն է, անընդունելի ու անհասկանալի է դառնում, իսկ թիրախում կամա թե ակամա հայտնվում է պաշտպանության նախարարը: Եթե նախարարի տիկնոջ նկարները համացանցում տարածեր մեկը, կասեին, որ դիտավորություն է, նախարարի դեմ են անում: Բայց ստացվում է, որ Սեյրան Օհանյանը ամեն օր բանակի առջև ծառացած մարտահրավերներին է դիմակայում, իսկ նախարարի տիկինն էլ իր սեփական մարտահրավերն է նետում հենց նախարարին:

12596420_932590253502447_586183217_n