ՀԷՑ-ում 36 մլրդ դրամի կորուստները անարդյունավետ կառավարման արդյունք են

Հայաստանում 2015 թվականին արտադրվել է 7 մլրդ 798 մլն կվ/ժամ էլեկտրաէներգիա, որը 2014 թվականից ավելի է 0,62 տոկոսով: 1 մլրդ 422 մլն կվ/ժամ էլեկտրաէներգիա արտահանվել է Վրաստան, Իրան և ԼՂՀ: Այսօր այս մասին լրագրողների հետ հանդիպմանն ասաց Էներգետիկայի և բնական պաշարների նախարար Երվանդ Զախարյանը:

Նախարարը նաև խոսեց էլէներգիայի սակագնի խնդրից, նշեց, որ սակագների բարձրացումը ցանկալի երևույթ չէր, բայց Հայաստանն ուներ ոչ արդյունավետ կառավարվող համակարգ: ՀԷՑ-ը կորուստներով էր աշխատում, որը անարդյունավետ կառավարման հետևանք էր:

Ե. Զախարյանը ՀԷՑ-ի նոր սեփականատեր «Տաշիր գրուպ»-ի աշխատանքը դրական գնահատեց, նշեց, որ այս ընթացքում լուրջ աշխատանք է տարվել` նվազել է կորուստները, որը կազմել է մոտ 11 տոկոս: Իսկ ինչ վերաբերում է մոտ 36 մլրդ դրամ կորուստներին, ապա նախարարը վստահեցրեց, որ էներգոհաշվարկի սխալ կազմելու արդյունք է: Այժմը նոր կարգ է մշակվում: