Ալիևն ու Փաշինյանը սինխրոն են գործում. քաղաքագետ
Պետք է ամեն ինչ մի կողմ դնել, հեռացնել դավաճան իշխանությանը, ձևավորել ազգային իշխանություն ու պետական ռեսուրսը ծառայեցնել սեփական անվտանգության ապահովման խնդրին: Այս մասին «Հայկական օրակարգ. Կյանքի ճանապարհ» թեմայով քննարկմանն ասաց քաղաքագետ Հրանտ Մելիք-Շահնազարյանը՝ ղստահեցնելով, որ Ադրբեջանի նախագահ Իլհամ Ալիևն ու Նիկոլ Փաշինյանը փոխհամաձայնեցված են գործում:
«Ալիևն ու Փաշինյանը սինխրոն են գործում. Սինխրոն իրար գովում են, հետո իրար քննադատում են, սինխրոն չեն գնում Բրյուսել բանակցությունների, միասին որոշել են, որ խաղաղության պայմանագիր կոչվածը դեռ պետք չէ ստորագրել»,-ասաց քաղաքագետը:
Նա նաև հարց է բարձրացնում ՝ Ադրբեջանը, որ ռազմի դաշտում մեծ հաջողություններ է ունեցել, հանկարծ որոշում է հետաձգել դրա իրավական ձևակերպման գործընթացը. ինչո՞ւ։
«Երկու պատճառ կարող է լինել, կամ Ադրբեջանը տեսել է ավելի մեծ զիջումներ կորզելու հնարավարություն, կամ էլ արտաքին ճնշում կա հարցն առկախված պահելու առումով, մինչև կհասկանան, թե ուժերի հարաբերակցությունն ինչպես դասավորվում։ Վերջին օրերի զարգացումները ցույց տվեցին, որ պատճառն առաջին տարբերակն էր, Ալիևը տեսել է նոր զիջումներ կորզելու հնարավորություն, ըստ էության Փաշինյանն էլ չի խոչընդոտել դրան, ավելին տվել է այն խաղաքարտը, որն այսօր Ալիևն օգտագործում է Գորիս-Ստեփանակերտ ճանապարհի փակման ընթացքում»,-ասաց քաղաքագետը;
Նա մանրամասնեց՝, որ խոսքը Պրահայի հայտարարության մասին է, երբ կողմերը ճանաչել են միմյանց տարածքային ամբողջականությունը։
«Ունենալով այդ խաղաքարտը՝ Ադրբեջանը գնում է ճանապարհ փակելուն։ Նրանք փորձում են արագ զիջումներ ստանալ, քանի որ մտածում են՝ շուտով Հայաստանում իշխանություն կփոխվի, Ուկրաինայում պատերազմը կավարտվի, Մերձավոր Արևելքում Թուրքիան ավելի մեծ խնդիրների մեջ կհայտնվի, որոնք կխանգարեն Արցախը լիովին գրավելու իրենց քաղաքականությանը։ Հիմա հնարավորություն են տեսնում այդ քայլն անելու համար, գնում են դրան։ Առաջին խանգարող քայլը ռուս խաղաղապահներն են։ Այդ պատճառով Ադրբեջանը փորձում է դելեգիտիմացնել նրանց, անվստահություն սերմանել նրանց նկատմամբ, եթե կարդաք ադրբեջանական մամուլը, կտեսնեք, թե ինչքան հղում կա խզմալյանատիպ կենդանիների, այդ թվում իշխանական պատգամավորների վրա, թե տեսեք՝ Հայաստանում էլ չեն վստահում ռուս խաղաղապահներին, ուստի պետք է հեռացնել»,-ասաց Մելիք-Շահնազարյանը:
Էրեբունիում հայրը փորձել է բռնաբարել դստերը. «Հրապարակ»
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
