Խոշոր ավտովթար Երևանում. բախվել են «Hyundai Sonata»-ն ու «Kia Sorento»-ն, կա վիրավոր (տեսանյութ)

Դեկտեմբերի 11-ի երեկոյան, խոշոր ավտովթար է տեղի ունեցել Երևանում։ Այս մասին հայտնում է shamshyan.com-ը:

Ժամը 21։30-ի սահմաններում Արգիշտի փողոցում` Հաղթանակ կամրջի սկզբնամասում, «Մետրոպոլ» հյուրանոցային համալիրի հարևանությամբ բախվել են «Kia Sorento» և «Hyundai Sonata» մակնիշի ավտոմեքենաները։

Վթարի հետևանքով 1 հոգի տեղափոխվել է հիվանդանոց։ Օպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության Երևանի թիվ 1 հրշեջ-փրկարարական ջոկատից 1 մարտական հաշվարկ։ Հրշեջ-փրկարարները հոսանքազրկել են ավտոմեքենաները, փակել գազաբալոնները, ապա վիրավորին մոտեցրել օպերատիվորեն ժամանած շտապօգնության մեքենային։ 

Վթարի փատով նախաձեռնվել է վարույթ։ 

ԱԻՆ ծառայությունն էլ տեղեկացնում է, որ  «Kia Sorento»-ի վարորդը Կ. Կ.-է, ծնված 1979 թ․), իսկ «Hyundai Sonata» վարորդը՝ Ռ. Ս.-ն, ծնված 1998 թ․-ին:

«Kia Sorento» մակնիշի ավտոմեքենայի վարորդը հոսպիտալացվել է «Հերացի» թիվ 1 հիվանդանոցային համալիր։