Վերջին 24 տարվա ընթացքում Հայաստանում քաղցկեղից մահացությունը կրկնապատկվել է. (տեսանյութ)

Օրերս «World Life Expectancy» կայքը ներկայացրել է 172 երկրում քաղցկեղային հիվանդություններից մահացության ցուցանիշը: Հայաստանում 100 հազար մահացածներից 229-ի պարագայում մահվան պատճառը եղել է քաղցկեղը: Այդ ցուցանիշով Հայաստանը 172 երկրի շարքում հայտնվել է առաջին հորիզոնականում:

«Այն լուրերը, թե Հայաստանում քաղցկեղով հիվանդների թիվը շատացել է, կարող էր առաջանալ «Ավաստին» դեղամիջոցը ներկրելուց հետո, որը սահմանված կարգով բաշխվել է հանրապետության բուժհաստատություններին»,- փոխանցում է առողջապահության նախարարը:

Առողջապահության ազգային ինստիտուտի տնօրեն Ալեքսանդր Բազարչյանը հավատ չի ընծայում այս կայքի տվյալներին: Պաշտոնապես Հայաստանում մահացության ցուցանիշներով նորագոյացությունները առաջին եռյակում են և, եթե նորագոյացություններից 1990թ-ին մահացել է ավելի քան 3540 մարդ, ապա 2013թ-ին` շուրջ 5610, իսկ արդեն 2014թ-ին չարորակ նորագոյացություններից մահացել է 6 720 մարդ: 24 տարվա ընթացքում քաղցկեղի մահվան դեպքերը կրկնապատկվել է:

Ալեքսանդր Բազարչյանը նշում է, որ հանրային առողջապահության ոլորտում Հայաստանը դեռևս գործեր ունի անելու, իսկ մինչ այդ Հայաստանի քաղցկեղով տառապող քաղաքացիները բուժում են ստանում Ֆանարջյանի անվան ուռուցքաբանության ազգային կենտրոնում, որը ոչ թե հիվանդանոց է հիշեցնում, այլ ավերված ու կեղտոտված մի տարածք:

Շարունակությունը` տեսանյութում