Քաղաքը քանդողին` պետական մրցանակ

Նախագահ Սերժ Սարգսյանի հրամանագրով մի շարք բնագավառներում շնորհվել են Հայաստանի Հանրապետության 2015թ.-ի պետական մրցանակներ: Ճարտարապետության և քաղաքաշինության բնագավառում պետական մրցանակի է արժանացել նաև քաղաքաշինության նախարար Նարեկ Սարգսյանը:

Պետական մրցանակների շնորհումը դառանում է ակտիվ քննարկման առարկա, այս անգամ էլ բացառություն չի լինելու հաշվի առնելով այն, որ մրցանակի արժանացել է մի ճարտարապետ, որի ձեռամբ Երևանը, ինչպես ժողովուրդն է ասում, քանդվել է, փոշու ու հյուրանոցների մեջ կորել: Ինչին Նարեկ Սարգսյանի ձեռքը կպել է` ճարտարապետական դեմքը խեղվել է, դեռ չխոսենք այն կառույցների մասին, որոնք հիմքից քանդվել են:

Նարեկ Սարգսյանի գաղափարները միշտ սիրվել են միայն  իր կողմից: Վերջինս իշխանություններին համոզել է, թե կարգին ծրագրեր է ներկայացնում: Երևանի գլխավոր ճարտարապետ Նարեկ Սարգսյանի վառ գաղփարներից էր նաև ԱԳՆ-ի շենքը հյուրանոց դարձնելը, «Հանրապետության հրապարակ» կայարանի հարակից տարածքում շատրվանների փոխարեն հյուրանոցային համալիրի կառուցման նախագիծը: Եթե Երևանի գլխավոր ճարտարապետ եղած ժամանակահատվածում է նման առաջարկներ ներկայացրել, ապա Քաղաքաշինության նախարար եղած ժամանակահատվածում էլ Աֆրկյանների տան քանդման հիմնական ջատագովներից էր:

Նարեկ Սարգսյանի գլուխգործը Հյուսիսային պողոտան է: Թամանյանի կողմից մշակված նախագաիծը ուղղակի խեղվեց: Նա 2004 թվականից մինչեւ 2008 թվականը եղել է Երեւանի Հյուսիսային պողոտայի կառուցապատման նախագծի գլխավոր ճարտարապետը: Այսօր տեսնւմ ենք «մեռած» Հյուսիսային պողոտան, որը անընդհատ քանդում են, փոփոխություններ կատարում:

Հարց է առաջանում` ո՞ր աշխատանքի համար է Սերժ Սարգսյանը նրան պետական մրցանակի արժանացրել: