Ալմա-Աթայի հռչակագիրը հակաարցախյան փաստաթուղթ է, որը Ադրբեջանի համար ռազմական գործողություններ սկսելու օրինական հիմք է. Արգիշտի Կիվիրյան

Հայաստանի, Ադրբեջանի և Արցախի մասին Ռուսաստանի արտաքին գործերի նախարար Սերգեյ Լավրովի վերջին հայտարարությունները տեղավորվում են Ռուսաստանի և Արևմուտքի միջև տարածաշրջանում ազդեցության համար մղվող պայքարի տրամաբանության մեջ։ Այս մասին լրագրողների հետ հանդիպմանն ասաց վերլուծաբան Արգիշտի Կիվիրյանը։ 

Կիվիրյանը կարծում է, որ Ադրբեջանը պատրաստ էր դրան և դիմեց Լաչինի միջանցքը փակելու առաջին փորձին։

«Դրանից հետո ռուս խաղաղապահները մի շարք ամոթալի հայտարարություններ արեցին, թե կուղղեն բնակավայրերի հայկական տեղանունները, ինչպես նաև, որ ադրբեջանցիների հետ այնտեղ որոշակի անցակետ կստեղծվի։ Ռուսաստանը դեռ չի հերքել այս ամոթալի հայտարարությունը»,- նշեց փորձագետը։

Նա 1991 թվականի Ալմա-Աթայի հռչակագիրը անվանեց հակաարցախյան փաստաթուղթ, որը Ադրբեջանի համար ռազմական գործողություններ սկսելու օրինական հիմք է ստեղծել։

«Ուրիշ բան, որ հրադադարի փաստաթուղթը, որը ստորագրել է նաև Արցախի ներկայացուցիչը, հռչակագիրը խորը մոռացության է հանձնել։ 44-օրյա պատերազմում կրած պարտությունից հետո այս փաստաթուղթը քաղաքական օրակարգ Փաշինյանը վերադարձրեց։ Լավրովի կատաղությունը կարող է կապված լինել սրա հետ, քանի որ այս հռչակագրի վերակենդանացումը հակասում է նաև Մոսկվայի շահերին, որն ամենից շատ է այն խախտել՝ ճանաչելով Աբխազիան և Հարավային Օսիան, ինչպես նաև Ղրիմի և Ուկրաինայի իրադարձությունների շրջանակներում:

Բաքուն, ինչպես 1990-ականներին, այսօր ևւս փորձում է օգտագործել Ալմա-Աթայի հռչակագրի առկայությունը քաղաքական օրակարգում և կտրուկ խստացրել է իր քայլերը՝ առաջին անգամ փակելով Լաչինի միջանցքը։ Ադրբեջանցիները կարող են նույնիսկ փորձել մտնել Ստեփանակերտ՝ վկայակոչելով Հայաստանի իշխանությունների գործողությունները»,- եզրափակեց վերլուծաբանը։