Արտահանումը և տնտեսության զարգացման պատրանքը

Հունվարի 18-ի դրությամբ Հայաստանից ընդհանուր առմամբ արտահանվել է 1313 տոննա թարմ պտուղ-բանջարեղեն` նախորդ տարվա նույն ժամանակահատվածի 539 տոննայի դիմաց: Այդ թվում` արտահանվել է 259 տոննա վարունգ` նախորդ տարվա նույն ժամանակահատվածի 0 տոննայի դիմաց, 197 տոննա լոլիկ՝ նախորդ տարվա նույն ժամանակահատվածի 2 տոննայի դիմաց: Տվյալները ներկայացրել է գյուղատնտեսության նախարարությունը:

Նշենք, որ այս տվյալները խոսում են արտահանման ավելացման մասին և, իհարկե, դրական ցուցանիշներ են, սակայն այստեղ խնդիրը ոչ թե ընդհանուր տնտեսության աշխուժացման մասին է, այլ որոշ մարդկանց եկամուտների ավելացման: Միայն 2015 թվականին խոշոր ջերմատների ընդհանուր տարածքը Կոտայքի, Արարատի և Արմավիրի մարզերում կամզել է 763.62 հեկտար: Այս ջերմատներում, բանջարաբոստանային կուլտուրաները մեծամասամբ մշակվում են առանց հողի` հիդրոպոնիկայի միջոցով, որը հնարավորություն է տալիս փոքր տարածության վրա ստանալ մեծ արդյունք, չնայած ըստ մասնագետների, մաքուր բանջարեղեն հնարավոր է ստանալ միայն հողից: Իսկ գյուղնախարարության ցուցանիշները պարզապես խոսում են այն մասին, որ ջերմոցային տնտեսություններում մեծ գումարներ են շրջանառվում և այս ոլորտը եկամտաբեր է ունևոր և ազդեցիկ խավի համար, ովքեր կարողանում են ձմռան ամիսներին վառելիք օգտագործել և կազմակերպել արտահանում:

Իսկ այն, որ հողամշակները հենց ձմռան համար նախատեսված ջերմոցները ձմռանը չեն կարողանում մշակել, այս ցուցանիշը գյուղնախարարության տվյալներում բացակայում է: Հավելենք, որ կառավարությունը այս տարիներին հենց վերը նշված ընկերություններին է արտոնություններ տվել. «ԲԻԳԱ» ՍՊԸ կողմից 300 մլն դրամը գերազանցող արժեքով ապրանքների ներմուծման դեպքում մաքսային մարմինների կողմից հաշվարկված ԱԱՀ վճարման ժամկետը։ «Մավաս» գրուպին 2014թ-ին կառավարությունը արտոնություններ է տվել 200 մլն դրամի ապրանքը ներկրելու համար: Ստացվում է` ունևոր խավը ցանում, մշակում արտահանում է, արդյունքում տնտեսության զարգացման պատրանք է ստեղծվում: