Դաշնակները Սերժ Սարգսյանից աշխատանք են ուզում

Կառավարության կազմում փոփոխությունները արդեն իսկ անխուսափելի են: Դաշնակցությունը իշխանությունների հետ «սկզբունքորեն» կոալիցիա կմտնի: ՀՅԴ բյուրոյի ներկայացուցիչ Հրանտ Մարգարյանը նշել էր, որ այդ հարցի շուրջ օրերս բանակցություններ են ունեցել Հանրապետության նախագահ և իշխող կուսակցության ղեկավար Սերժ Սարգսյանի հետ: Մարգարյանի խոսքով՝ առայժմ դժվար է ասել, թե կոալիցիան իշխանության հետ ինչ ձև կստանա, որովհետև դեռ գտնվում են բանակցությունների նախնական փուլում: Հետաքրքիր է այն, որ շրջանառվում էր, թե ԲՀԿ-ն ևս կոալիցա է մտնելու, բայց կարծես թե կոլացիոն լուսանցքից դուրս է: Ոչ նախագահի հետ են հանդիպել, ոչ էլ հանրապետականներից են առաջարկ ստացել:

newspress.am-ի հետ զրույցում ԲՀԿ նախագահ, ԱԺ-ում խմբակցության ղեկավար Նաիրա Զոհրաբյանը նշեց. «Քանի որ առաջարկ չի եղել, ուստի կուսակցության ներսում էլ կոալիցիա մտնելու վերաբրյալ քննարկումներ չեն եղել: Մենքզբաղված ենք ներկուսակացական հարցրերով: Ասել եմ, կրկին կասեմ, որ պորտֆելներ վերցնելու համար կոալիցիա կազմելը կլինի անազնիվ մեր ընտրողների նկատմամբ, կուսակիցներին աշխատանքի տեղավորելու համար` մենք կոալիցիա չենք մտնի»,-մանրամասնեց նա:

Նաիրա Զոհրաբյանի դիտարկմամբ, եթե քաղաքական որոշումների վրա ազդելու հնարավորություն չի լինում, ապա կոալիցիա մտնելը ինքնանպատակ է: Զոհրաբյանի կարծիքով, եթե Դաշնակցությունը կոալիցիա է մտնում, ապա ակնահայտ է, որ կառավարությունում փոփոխություններ կլինեն. «Կոնկրետ ինչ փոփոխություններ կլինեն չեմ կարող ասել, տեղեկացված չենք, մենք մեր գործով ենք զբաղվում»,-եզրափակեց նա:

newspress.am-ը փորձեց ԱԺ-ում ՀՅԴ խմբակցության պատգամավորների հետ զրուցել թեմայի շրջանակում, սակայն և ոչ մի դաշնակցականի հեռախոսահամար հասնելի չէր: