«Տարոն, սիրուն չի»-ն էլ չի փրկի. (տեսանյութ)

Հունվարի 17-ի գիշերը Արամի 30 հասցեում գտնվող կարմիր տուֆից շենքը հիմովին քանդվեց, որից հետո «Մեր քաղաքը» քաղաքացիական նախաձեռնությունը այս քայլը որակեց դիվերսիա փոքր կենտրոնի ամենաարժեքավոր հատվածներից մեկում: Քաղաքացիական ակտիվիստների դիտարկակամբ՝ մոտ երկդարյա պատմություն ունեցող շենքը քանդելը վանդալիզմի հերթական դրսրումն է:

Newspress.am-ի հետ զրույցում Երևանի քաղաքապետարանի «Բարև Երևան» խմբակցության անդամ Անհաիտ Բախշյանն ասաց, որ ստույգ տեղեկատվություն չկա, թե քանդող ընկերությունը որն է, ավելին քաղաքապետարանի ներկայցուցիչը լրատվամիջոցներից մեկին ասել է, թե մայթեզրի լայնացման համար է շենքը քանդվել, այն ինչ ակնահայտ է, որ քանդելուց հետո պատրաստվում են նոր շինություն կառուցել:

Անահիտ Բախշյանը նաև ասաց, որ շինարարությունը ընթանում է ստվերային գործարքների արդյունքում օրենքի մի շարք խախտումներով. «տեսեք, առաջին հերթին, ցուցատախտակ չկա, պարզ չէ, թե ով է շինարարություն իրականցնող ընկերությունը, և թե ինչ է կառուցվում, քաղաքային բյուջե գումար գնալո՞ւ է, թե ոչ: Բազմաթիվ անպատասխան հարցեր կան»,- ասաց նա:

Անահիտ Բախշյանը փորձեց շինհրապարակում ճշտել, թե ով է քանդողն ու շինարարություն իրականացնողը, բայց ոչ բանվորները և ոչ շինղեկը հարցերին չպատասխանեցին, միայն ասացին, որ շինարարությունն իրականացնում է հարեւանությամբ հյուրանոց կառուցող ընկերությունը: Անահիտ Բախշյանը նաև ասաց, որ աբսուրդ հայտարարություններ տարածելու փոխարեն քաղաքապետարանը լավ կանի լրջորեն մտահոգվի խնդրով, այս անգամ «Տարոն սիրուն չի» արտահայտությունն էլ չի փրկի, շենքը հիմնահատակ քանդված է:

Մանրամասները՝ տեսանյութում