Ի՞նչ է անելու Արթուր Բաղդասարյանը արաբական հարսանիքից հետո

Դուբայում որդու հարսանիքից հետո արդեն Հայաստան ժամանած Արթուր Բաղդասարյանը ծանոթանալով մամուլի հրապարակումներին, որոնք առնչվել են Դուբայում նրանց կազմակերպած փարթիին` կարծում է, որ դա պայմանավորված է իր անձի նկատմամբ մեծ հետաքրքրությամբ:

Իրականում Արթուր Բաղադասարյանի անձը վաղուց դադարել է հետաքրքրություն ներկայացնել:

Այստեղ խնդիրն այն է, որ Արթուր Բաղդասարյանը կուտակելով բազմաթիվ պարտքեր, ընդհուպ մինչև իր աշխատողների աշխատավարձի տեսքով, Դուբայում քեֆ ու ուրախություն է անում: Հիմա էլ շեյխի փոշին վրան նստած Հայաստան է եկել ու ասում է, թե պատրաստվում է քաղաքական կարևոր զարգացումների մասնակից լինել. «2016 թվականը քաղաքական առումով բավականին կարևոր ու հետաքրքիր տարի է բոլոր քաղաքական ուժերի համար: 2017 թվականը սարերի ետևում չէ, և, բնականաբար, ներքաղաքական գրեթե բոլոր գործընթացները միտված են լինելու 2017 թվականի խորհրդարանական ընտրություննների նախապատրաստմանը»:

Հավանաբար Արթուր Բաղդասարյանն այսպես է խոսում, մտածելով, որ եթե ինքը կարողանում է Դուբայում մեծ փողեր ծախսել, ապա Հայաստանի քաղաքականության մեջ էլ կարող է մեծ դերակատարություն ունենալ, բայց գնացքն արդեն վաղուց անցել է:
Այն պահին, երբ Բաղդասարյանը Դուբայում փարթիների մեջ էր` ՀՅԴ-ն իշխանության հետ «քաղաքական առևտուր» էր  անում և, ինչպես ասում են, սուրբ տեղը թափուր չմնաց:

Արթուր Բաղդասարյանն այնքան է ուշացել, որ հիմա արդեն արաբական շեյխերն էլ չեն կարող օգնել: