Տարոնիկի գյուղապետը հրահանգել է չխոսել. (տեսանյութ)
Արմավիրի մարզի Տարոնիկ գյուղի բնակիչներն ահազանգում են: Գյուղում ջուր չկա: Կենցաղում օգտագործելու և խմելու համար գյուղացիները ստիպված կամ գնում են մոտակա գյուղեր և կամ էլ օգտվում են խորքային հորերի ջրերից, որոնք ոչ քլորացվում ու ոչ էլ համապատասխան ստուգման են ենթարկվում: Արտեզյան ջրերը թեև խմելու համար լավագույն տարբերակը չեն, սակայն գյուղացիներն այլընտրանք չունեն:
Խորքային հորերից ամենմոտը գտնվում է Տարոնիկից դեպի Մեծամոր թանգարան տանող ճանապարհին, որտեղ էլ newspress.am-ի նկարահանող խումբը շարժվեց մեքենայով, սակայն, հարկ է նկատել, որ գյուղի բնակիչների 80 տոկոսը այս հեռավորությունն ամեն օր ստիպված է ոտքով հաղթահարել: Խորքային այս հորը գտնվում է 3 կմ հեռավորության վրա: Տարոնիկիցիների խոսքով գյուղամիջյան աղբյուրի ջուրը, թեև ավելի մոտ է, սակայն այստեղ որակի խնդիր կա. կոշտ է, խմելու համար ոչ պիատանի ու նստվածք է տալիս:
Այս խնդիրն ավելի քան 10 տարվա պատմություն ունի: Դեռ մի քանի տարի առաջ գյուղացիները դիմել են «Հայջրմուղկոյուղի» ընկերությանը, սակայն նրանց ասել են, թե հերթի կանգնենք ու, հերթը դեռ չի հասել:
Թեև գյուղը չունի նաև մշակույթի տուն և մանկապարտեզ, սակայն գյուղացիների համար թիվ մեկ խնդիրը միշտ եղել է ջուրը: Հենց այս հարցն էլ որպես թիրախ օգտագործելով՝ Արմեն Խլղաթյանն ընտրվեց Տարոնիկի գյուղապետ: Համենայնդեպս գյուղացիները վստահեցնում են, որ գյուղապետն ընտրվելուց առաջ խոստացել է օգտագործել իր մերձավոր ԱԺ պատգամավոր Հրանտ Դավթյանի դիրքը և այս հարցը ներկայացնել վարչապետին: Թեև նախընտրական խոստումից շուրջ երկու տարի է անցել, սակայն սայլը տեղից չի շարժվել:
Մեր նկարահանող խումբը փորձեց թեմայի շուրջ պարզաբանումներ ստանալ հենց գյուղապետից: Սակայն, ինչպես ասում են, նա տարածքում էր, բայց տեղում չէր:
Գյուղապետարանի աշխատակիցների խոսքով, Արմեն Խլղաթյանը վատառողջ է և չի ներկայանում աշխատանքի ու հրահանգել է, որ իր բացակայության ժամանակ գյուղապետարանից ոչ-ոք, ոչ մի թեմայի շուրջ ոչ մի հարցի չպատասխանի:
Զավեշտալին այն է, որ գյուղապետարանն ուներ 15 աշխատող և ոչ-ոք իրավասու չէր մեր հարցին պատասխանել: Աշխատակիցներից հայտնեցին, որ ո՛չ փոխգյուղապետ ունեն, ո՛չ էլ աշխատակազմի ղեկավար:
«Այս տեղերը թափուր են»,- ասացին նրանք:
Մանրամասները՝ տեսանյութում
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
