Կա՛մ Խանումյանը, կա՛մ ես. «Հրապարակ»
«Հրապարակ» թերթը գրում է.
«Դեռևս այս տարվա ապրիլի 29-ին Արցախի գլխավոր դատախազ Գուրգեն Ներսիսյանն Արցախի խորհրդարանում հայտարարեց, որ ԱՀ տարածքային կառավարման և ենթակառուցվածքների նախարար Հայկ Խանումյանը ներգրավված է որպես մեղադրյալ: ԱՀ գլխավոր դատախազը նշել էր, որ Խանումյանի՝ որպես մեղադրյալ ներգրավվելուց հետո այդ մասին հաղորդվել է գործադիր իշխանության ղեկավարին: «Տարածքային կառավարման եւ ենթակառուցվածքների նախարարը որպես մեղադրյալ է ներգրավվել: Մենք խափանման միջոց կիրառելու հարցում ունենք օրենսդրական հստակ հիմքեր, և եթե նկատի ունեք արգելանքի հետ կապված խափանման միջոց, բնականաբար, նման խափանման միջոց ընտրված չէ:
Ինչ վերաբերում է հետագա պաշտոնավարման նպատակահարմարության մասին հարցին, ապա այս դեպքում եւս դատախազությունը նման հարց կարող է բարձրացնել միջնորդագրի տեսքով: Այդպիսի միջնորդագիր հանրապետության նախագահին ներկայացվել է դեռեւս մարտ ամսին, ընդ որում՝ ավելի մանրակրկիտ եւ ավելի մեծ սպեկտր իր մեջ ներառելով, քան նրան մեղսագրված արարքն է»,- ասել էր գլխավոր դատախազը:
Հետո իրավապահ մարմինների հաղորդագրություններից պարզ դարձավ, որ Խանումյանն Արցախի իրավապահների ուշադրության կենտրոնում է հայտնվել 44-օրյա պատերազմից հետո։ Իրավապահների առաջ քաշած վարկածն այն է, թե Խանումյանի ղեկավարած գերատեսչությունը պաշտոնեական անփութություն է դրսեւորել եւ շուրջ 70 միլիոն դրամի վնաս պատճառել պետությանը։ Բայց քանի որ Խանումյանը Նիկոլ Փաշինյանի համերկրացին է, նրա «աչքն ու ականջն» ԱՀ-ում, նրա վերաբերյալ միջնորդությունը չբավարարվեց։ Մեր տեղեկություններով՝ ԱՀ գլխավոր դատախազ Գուրգեն Ներսիսյանը մտադիր է հերթական միջնորդությունը ներկայացնել՝ ավելի համապարփակ, մի քանի քրեական գործերի վերաբերյալ։
Դատախազին մոտ կանգնած աղբյուրներն ասում են, որ Ներսիսյանն իր պատվի հարցն է համարում Խանումյանի քրեական գործն ավարտին հասցնելը, քանի որ տարբեր առիթներով իր երեսին նետում են, թե չկարողացավ Խանումյանին առնչվող քրգործն առաջ տանել։ Ներսիսյանը, ասում են, այժմ վճռական է տրամադրված՝ կա՛մ ինքը, կա՛մ Խանումյանը, եթե այս անգամ էլ իր միջնորդությունը մերժվի, դատախազը հրաժարականի դիմում կգրի»:
Մանրամասները՝ թերթի այսօրվա համարում:
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
